ശ്രീനഗര്‍: ആസാദി മുദ്രാവാക്യം വിളിച്ചതിന് കശ്മിരില്‍ രണ്ടുപേരെ രാജ്യദ്രോഹക്കുറ്റം ചുമത്തി അറസ്റ്റ് ചെയ്തു. ശ്രീനഗറില്‍ മുഹര്‍റം ഘോഷയാത്രയില്‍ ആസാദി മുദ്രാവാക്യം വിളിച്ചെന്നാരോപിച്ചാണ് അറസ്റ്റ്. വിഷയത്തില്‍ ഇനിയും അറസ്റ്റുണ്ടാകുമെന്നാണ് ശ്രീനഗര്‍ പൊലിസ് വ്യക്തമാക്കുന്നത്. കഴിഞ്ഞ ദിവസം രാത്രിയാണ് ഘോഷയാത്ര നടന്നതെന്നും ഇതിന്റെ വിഡിയോ പുറത്തായതിനു പിന്നാലെയാണ് കേസെടുത്തതെന്നും പൊലിസ് വ്യക്തമാക്കി.