മുംബൈ: കുടുംബത്തിലേക്ക് മൂന്നാമതൊരു അംഗത്തെ സ്വാഗതം ചെയ്ത് ഇന്ത്യന്‍ ക്രിക്കറ്റ് ക്യാപ്റ്റന്‍ വിരാട് കോഹ്‌ലിയും ഭാര്യ അനുഷ്‌ക ശര്‍മയും. ട്വിറ്ററിലൂടെയാണ് താര ജോഡികള്‍ മാതാപിതാക്കളാകാന്‍ പോകുന്ന കാര്യം അറിയിച്ചത്. അടുത്ത വര്‍ഷം ജനുവരിയിലായിരിക്കും പുതിയ അതിഥി എത്തുകയെന്നും ട്വീറ്റില്‍ പറയുന്നു. ഇതോടെ ഇരുവര്‍ക്കും സോഷ്യല്‍ മീഡിയയില്‍ അഭിനന്ദന പ്രവാഹമായി. ഇന്ത്യന്‍ താരങ്ങളെക്കുടാതെ വിദേശ താരങ്ങളും ബി.സി.സി.ഐ, ആര്‍.സി.ബി താരങ്ങളും ഇരുവര്‍ക്കും അഭിനന്ദനങ്ങള്‍ നേര്‍ന്നു. 2017 ഡിസംബര്‍ 11നായിരുന്നു ബോളിവുഡ് നടിയായ അനുഷ്‌കയെ കോഹ്‌ലി കല്യാണം കഴിച്ചത്. സിനിമാ ലോകത്തുനിന്നുള്ള പ്രമുഖരും ഇരുവര്‍ക്കും ആശംസ അറിയിച്ചിട്ടുണ്ട്്.