ആലപ്പുഴ: ലോക്‌സഭാ തെരഞ്ഞെടുപ്പില്‍ ആലപ്പുഴ മണ്ഡലത്തില്‍ 80.09 ശതമാനം പോളിങ് നടന്നു. 2014ലെ ലോക്‌സഭാ തെരെഞ്ഞെടുപ്പിനേക്കാളും (78.5) ഉയര്‍ന്ന പോളിങ് നിരക്കാണ് ഇക്കുറി നടന്നത്. ഏറ്റവും കൂടുതല്‍ പോളിങ് നടന്നത് ചേര്‍ത്തലയിലും (84.95 ശതമാനം) ഏറ്റവും കുറവ് കായംകുളം (76.55 ശതമാനം) നിയോജക മണ്ഡലത്തിലുമാണ്.
അരൂര്‍ നിയോജക മണ്ഡലത്തില്‍ 83.66 ശതമാനം വോട്ടിങ്ങാണ് രേഖപ്പെടുത്തിയത്. ആകെയുള്ള 1,89,936 വോട്ടര്‍മാരില്‍ 1,58,900 പേര്‍ വോട്ട് രേഖപ്പെടുത്തി. ഇതില്‍ 79,924 പുരുഷന്മാരും 78,976 സ്ത്രീകളുമാണുള്ളത്.
ഏറ്റവും കൂടുതല്‍ പോളിങ് ശതമാനം 153-ാം ബൂത്തായ ഒറ്റപ്പുന്ന ഗവ. എല്‍.പി സ്‌കൂളിലാണ്. ആകെയുള്ള 1,114 പേരില്‍ 1,021 (497 പുരഷന്മാര്‍, 524 സ്ത്രീകള്‍) പേര്‍ വോട്ട് ചെയ്തു. 91.65 ശതമാനം പോളിങാണ് രേഖപ്പെടുത്തിയത്. ഏറ്റവും കുറവ് പോളിങ് ശതമാനം 50-ാം ബൂത്തായ എരമല്ലൂര്‍ നായര്‍ സമാജം എല്‍.പി സ്‌കൂളിലാണ്. ആകെയുള്ള 1,178 പേരില്‍ 870 (444 പുരുഷന്മാര്‍, 426 സ്ത്രീകള്‍) പേര്‍ വോട്ട് രേഖപ്പെടുത്തി. 73.85 ശതമാനം പോളിങാണ് രേഖപ്പെടുത്തിയത്.
ചേര്‍ത്തല നിയോജക മണ്ഡലത്തില്‍ 84.95 ശതമാനം വോട്ടിങ്ങാണ് രേഖപ്പെടുത്തിയത്. ആകെയുള്ള 2,05,507 വോട്ടര്‍മാരില്‍ 1,74,570 പേര്‍ വോട്ട് രേഖപ്പെടുത്തി. ഇതില്‍ 86,066 പുരുഷന്മാരും 88,504 സ്ത്രീകളുമാണുള്ളത്. ഏറ്റവും കൂടുതല്‍ പോളിങ് ശതമാനം 63-ാം ബൂത്തായ എസ്.എന്‍.ഡി.പി ബ്രാഞ്ച് നമ്പര്‍. 469ലാണ്. ആകെയുള്ള 926 പേരില്‍ 879(444 പുരഷന്മാര്‍, 435 സ്ത്രീകള്‍) പേര്‍ വോട്ട് ചെയ്തു. 94.92 ശതമാനം പോളിങാണ് രേഖപ്പെടുത്തിയത്. ഏറ്റവും കുറവ് പോളിങ് ശതമാനം 156-ാം ബൂത്തായ മറുത്തോര്‍വട്ടം ടാഗോര്‍ മെമ്മോറിയല്‍ യു.പി. സ്‌കൂളിലാണ്. ആകെയുള്ള 1,297 പേരില്‍ 972 (474 പുരുഷന്മാര്‍, 498 സ്ത്രീകള്‍) പേര്‍ വോട്ട് രേഖപ്പെടുത്തി. 74.94 ശതമാനം പോളിങാണ് രേഖപ്പെടുത്തിയത്.
ആലപ്പുഴ നിയോജക മണ്ഡലത്തില്‍ 80.43 ശതമാനം വോട്ടിങ്ങാണ് രേഖപ്പെടുത്തിയത്. ആകെയുള്ള 1,93,812 വോട്ടര്‍മാരില്‍ 1,55,877പേര്‍ വോട്ട് രേഖപ്പെടുത്തി. ഇതില്‍ 76,860 പുരുഷന്മാരും 79,017 സ്ത്രീകളുമാണുള്ളത്. ഏറ്റവും കൂടുതല്‍ പോളിങ് ശതമാനം 74-ാം ബൂത്തായ കാട്ടൂര്‍ ദേശശേവിനി ലൈബ്രറിയിലാണ്. ആകെയുള്ള 871 പേരില്‍ 765 (371 പുരഷന്മാര്‍, 394 സ്ത്രീകള്‍) പേര്‍ വോട്ട് ചെയ്തു.
87.83 ശതമാനം പോളിങാണ് രേഖപ്പെടുത്തിയത്. ഏറ്റവും കുറവ് പോളിങ് ശതമാനം 200-ാം ബൂത്തായ കിടങ്ങാംപറമ്പ് എല്‍.പി സ്‌കൂളിലാണ്. ആകെയുള്ള 830 പേരില്‍ 541 (270 പുരുഷന്മാര്‍, 271 സ്ത്രീകള്‍) പേര്‍ വോട്ട് രേഖപ്പെടുത്തി. 65.18 ശതമാനം പോളിങാണ് രേഖപ്പെടുത്തിയത്.
അമ്പലപ്പുഴ നിയോജക മണ്ഡലത്തില്‍ 78.37 ശതമാനം വോട്ടിങ്ങാണ് രേഖപ്പെടുത്തിയത്. ആകെയുള്ള 1,70,806 വോട്ടര്‍മാരില്‍ 1,33,869 പേര്‍ വോട്ട് രേഖപ്പെടുത്തി. ഇതില്‍ 65,791 പുരുഷന്മാരും 68,078 സ്ത്രീകളുമാണുള്ളത്. ഏറ്റവും കൂടുതല്‍ പോളിങ് ശതമാനം 128-ാം ബൂത്തായ നീര്‍ക്കുന്നം തീരദേശ എല്‍.പി. സ്‌കൂളിലാണ്. ആകെയുള്ള 727 പേരില്‍ 646 (330 പുരഷന്മാര്‍, 316 സ്ത്രീകള്‍) പേര്‍ വോട്ട് ചെയ്തു. 88.86 ശതമാനം പോളിങാണ് രേഖപ്പെടുത്തിയത്. ഏറ്റവും കുറവ് പോളിങ് ശതമാനം 43-ാം ബൂത്തായ പഴവങ്ങാടി സെന്റ്. ആന്റണീസ് ഗേള്‍സ് എച്.എസിലാണ്. ആകെയുള്ള 1105 പേരില്‍ 661 (346 പുരുഷന്മാര്‍, 315 സ്ത്രീകള്‍) പേര്‍ വോട്ട് രേഖപ്പെടുത്തി. 59.82 ശതമാനം പോളിങാണ് രേഖപ്പെടുത്തിയത്.
ഹരിപ്പാട് നിയോജക മണ്ഡലത്തില്‍ 78.15 ശതമാനം വോട്ടിങ്ങാണ് രേഖപ്പെടുത്തിയത്. 1,86,164 ആകെയുള്ള വോട്ടര്‍മാരില്‍ 1,45,495 പേര്‍ വോട്ട് രേഖപ്പെടുത്തി. ഇതില്‍ 66,270 പുരുഷന്മാരും 79,225 സ്ത്രീകളുമാണുള്ളത്. ഏറ്റവും കൂടുതല്‍ പോളിങ് ശതമാനം 137-ാം ബൂത്തായ വലിയഴീക്കല്‍ ഗവ.എച്.എസിലാണ്. ആകെയുള്ള 1079 പേരില്‍ 960( 456 പുരഷന്മാര്‍, 504 സ്ത്രീകള്‍) പേര്‍ വോട്ട് ചെയ്തു. 88.97 ശതമാനം പോളിങാണ് രേഖപ്പെടുത്തിയത്. ഏറ്റവും കുറവ് പോളിങ് ശതമാനം 152-ാം ബൂത്തായ വാരണപ്പള്ളി ഗവ. എല്‍.പി.എസിലാണ്. ആകെയുള്ള 1289 പേരില്‍ 894(394 പുരുഷന്മാര്‍, 500 സ്ത്രീകള്‍) പേര്‍ വോട്ട് രേഖപ്പെടുത്തി. 69.36 ശതമാനം പോളിങാണ് രേഖപ്പെടുത്തിയത്.
കായംകുളം നിയോജക മണ്ഡലത്തില്‍ 76.55 ശതമാനം വോട്ടിങ്ങാണ് രേഖപ്പെടുത്തിയത്. ആകെയുള്ള 2,01806 വോട്ടര്‍മാരില്‍ 1,54,489 പേര്‍ വോട്ട് രേഖപ്പെടുത്തി. ഇതില്‍ 70,605 പുരുഷന്മാരും 83,884 സ്ത്രീകളുമാണുള്ളത്. ഏറ്റവും കൂടുതല്‍ പോളിങ് ശതമാനം 68-ാം ബൂത്തായ കൊറ്റുകുളങ്ങര മുഹമ്മദന്‍ എല്‍.പി സ്‌കൂളിലാണ്. ആകെയുള്ള 773 പേരില്‍ 667( 329 പുരുഷന്മാര്‍, 338 സ്ത്രീകള്‍) പേര്‍ വോട്ട് ചെയ്തു. 86.29 ശതമാനം പോളിങാണ് രേഖപ്പെടുത്തിയത്. ഏറ്റവും കുറവ് പോളിങ് ശതമാനം 95-ാം ബൂത്തായ കായംകുളം ഗവ. ഗേള്‍സ് എച്.എസിലാണ്. ആകെയുള്ള 925 പേരില്‍ 613 (294 പുരുഷന്മാര്‍, 319 സ്ത്രീകള്‍) പേര്‍ വോട്ട് രേഖപ്പെടുത്തി. 66.27 ശതമാനം പോളിങാണ് രേഖപ്പെടുത്തിയത്.
കരുനാഗപ്പള്ളി നിയോജക മണ്ഡലത്തില്‍ 78.23 ശതമാനം വോട്ടിങ്ങാണ് രേഖപ്പെടുത്തിയത്. ആകെയുള്ള 2,03374 വോട്ടര്‍മാരില്‍ 1,59,104 പേര്‍ വോട്ട് രേഖപ്പെടുത്തി. ഇതില്‍ 74,395 പുരുഷന്മാരും 84,709 സ്ത്രീകളുമാണുള്ളത്. ഏറ്റവും കൂടുതല്‍ പോളിങ് ശതമാനം 153-ാം ബൂത്തായ തൊടിയൂര്‍ പഞ്ചായത്തിലെ 21 നമ്പര്‍ അങ്കണവാടിയിലാണ്. ആകെയുള്ള 920 പേരില്‍ 802 (368 പുരഷന്മാര്‍, 434 സ്ത്രീകള്‍) പേര്‍ വോട്ട് ചെയ്തു. 87.17 ശതമാനം പോളിങാണ് രേഖപ്പെടുത്തിയത്.
ഏറ്റവും കുറവ് പോളിങ് ശതമാനം 38-ാം ബൂത്തായ ഓച്ചിറ ഗവ. എച്.എസിലാണ്. ആകെയുള്ള 1348 പേരില്‍ 955(433 പുരുഷന്മാര്‍, 522 സ്ത്രീകള്‍) പേര്‍ വോട്ട് രേഖപ്പെടുത്തി. 70.85 ശതമാനം പോളിങാണ് രേഖപ്പെടുത്തിയത്.