ചെന്നൈ: കൊവിഡ് ബാധിച്ച് ചികിത്സയിലായിരുന്ന കന്യാകുമാരി എം.പി എച്ച് വസന്ത് കുമാര്‍ അന്തരിച്ചു. 70 വയസായിരുന്നു. ചെന്നൈ അപ്പോളോ ആശുപത്രിയില്‍ ചികിത്സയിലായിരുന്ന ഇദ്ദേഹത്തിന് ന്യൂമോണിയ മൂര്‍ച്ഛിക്കുകയായിരുന്നു. ആഗസ്റ്റ് 10 നാണ് കൊവിഡ് ലക്ഷണങ്ങളോടെ വസന്ത് കുമാറിനെ ആശുപത്രിയില്‍ പ്രവേശിപ്പിച്ചത്.
കഴിഞ്ഞ ലോക്‌സഭാ തെരഞ്ഞെടുപ്പില്‍ മുന്‍ കേന്ദ്രമന്ത്രി പൊന്‍ രാധാകൃഷ്ണനെ വന്‍ ഭൂരിപക്ഷത്തിലാണ് ഇദ്ദോഹം പരാജയപ്പെടുത്തിയത്. നേരത്തെരണ്ടു തവണ തമിഴ്‌നാട് നിയമസഭയിലേക്കും തെരഞ്ഞെടുക്കപ്പെട്ടിരുന്നു.
കോണ്‍ഗ്രസ് തമിഴ്‌നാട് ഘടകത്തിന്റെ വര്‍ക്കിങ് പ്രസിഡന്റായ വസന്ത് കുമാര്‍, വസന്ത് ആന്റ് കോ എന്ന വ്യാപാരശൃംഖലയുടെ സ്ഥാപകനാണ്. എച്ച്. വസന്തകുമാറിന്റെ നിര്യാണത്തില്‍ പ്രതിപക്ഷ നേതാവ് രമേശ് ചെന്നിത്തല അനുശോചിച്ചു.