നീലേശ്വരം: നീലേശ്വരം ഇ.എം.എസ് സ്റ്റേഡിയത്തിന്റെ നിര്‍മാണ പ്രവൃത്തിക്ക് തുടക്കം. നീലേശ്വരം ഇടത്തോട് റോഡില്‍ പുത്തരിയടുക്കം ബ്ലോക്ക് ഓഫിസിന് സമീപത്തായാണ് സ്റ്റേഡിയം നിര്‍മിക്കുന്നത്. സിന്തറ്റിക്ക് ട്രാക്ക്, ഫുട്‌ബോള്‍, വോളിബോള്‍, ബാസ്‌ക്കറ്റ് ബോള്‍, സ്വിമ്മിങ് പൂള്‍ എന്നീ സൗകര്യങ്ങളോടെയാണ് സ്റ്റേഡിയം നിര്‍മിക്കുന്നത്.
കഴിഞ്ഞ ബജറ്റിലാണ് സ്റ്റേഡിയത്തിന് തുക അനുവദിച്ചത്. സ്റ്റേഡിയം വരുന്നതോടെ നീലേശ്വരം നഗരസഭയിലെയും പരിസര പ്രദേശങ്ങുമുള്ള കായിക താരങ്ങള്‍ക്ക് പരിശീലനത്തിന് സൗകര്യമാകും. കഴിഞ്ഞ മെയ് മാസത്തിലാണ് കായിക വകുപ്പ് മന്ത്രി എ.സി മൊയ്തീന്‍ സ്റ്റേഡിയത്തിന്റെ തറക്കല്ലിട്ടത്. കോയമ്പത്തുര്‍ ആസ്ഥാനമായ കമ്പനിയാണ് സ്റ്റേഡിയത്തിന്റെ കരാര്‍ ജോലി ഏറ്റെടുത്തിട്ടുള്ളത്.