തളിപ്പറമ്പ്: താലൂക്ക് ഹെഡ്ക്വാര്‍ട്ടേഴ്‌സ് ആശുപത്രിയില്‍ അഡ്മിറ്റായ രോഗിയില്‍നിന്ന് പണം തട്ടിയതായി പരാതി. പഴയങ്ങാടി മുട്ടം സ്വദേശി ഇബ്രാഹിമില്‍നിന്നാണ് യുവാവ് 1500 രൂപ തട്ടിയെടുത്തത്.
സഹോദരി പ്രസവിച്ചിട്ടുണ്ടെന്നും അത്യവശ്യമായി പണം ആവശ്യമുണ്ടെന്നും പറഞ്ഞാണ് നസീറെന്ന് സ്വയം പരിചയപ്പെടുത്തിയ യുവാവ് പണം തട്ടിയെടുത്തത്. പിതാവ് എത്തിയാല്‍ പണം തിരികെ നല്‍കാമെന്ന് പറഞ്ഞാണ് ഇയാള്‍ ഇബ്രാഹിമില്‍നിന്ന് പണം വാങ്ങിയത്. തുടര്‍ന്ന് ഇബ്രാഹിമിന്റെ ഭാര്യ സംശയത്തെ തുടര്‍ന്ന് യുവാവിനായി അന്വേഷണം നടത്തിയപ്പോഴാണ് തട്ടിപ്പാണെന്ന് ബോധ്യമായത്.
നേരത്തെ കൂവോട്ടെ ഒരു മരണവീട്ടിന്റെ അയല്‍വാസിയില്‍നിന്ന് ആംബുലന്‍സിന് വാടക കൊടുക്കാനെന്ന പേരില്‍ 2000 രൂപ വാങ്ങി തട്ടിപ്പ് നടത്തിയ മുയ്യം സ്വദേശിയായ യുവാവ് തന്നെയാണ് ഇയാളെന്ന് വ്യക്തമായിട്ടുണ്ട്.