മലപ്പുറം: സ്വാതന്ത്ര്യദിനത്തോടനുബന്ധിച്ച് ജില്ലയിലെ ഹയര്‍സെക്കന്‍ഡറി വിദ്യാര്‍ഥികള്‍ക്കായി എസ്.കെ.എസ്.എസ്.എഫ് ഈസ്റ്റ് ജില്ലാ സര്‍ഗലയ സമിതി നടത്തിയ ഫ്രീഡം ക്വിസ് ഫൈനല്‍ റൗണ്ട് മത്സരം പൂര്‍ത്തിയായി. ഒ.കെ അദ്‌നാന്‍, വി.സുഫൈല്‍ എന്നിവരടങ്ങിയ കിഴിശ്ശേരി മേഖലാ ടീം ജില്ലയില്‍ ഒന്നാമതായി തെരഞ്ഞെടുക്കപ്പെട്ടു. വി.കെ സഫ്‌വാന്‍, മുഹമ്മദ് ആസിഫ് സജ്ജാദ്, അബ്ദുല്‍ അഹ്‌സിന്‍(മോങ്ങം മേഖലാ ടീം) രണ്ടാം സ്ഥാനവും അജീബ് റഫന്‍, അഷ്ഫാഖ് ഖാന്‍, അബ്ദുറഊഫ് (എടക്കര മേഖലാടീം) മൂന്നാം സ്ഥാനവും നേടി. വിവിധ ക്ലസ്റ്റര്‍, മേഖലാ മത്സര വിജയികളടങ്ങിയ ടീമുകളാണ് ജില്ലയില്‍ മല്‍സരിച്ചത്.
അത്താണിക്കല്‍ എം.ഐ.സി ഹയര്‍സെക്കന്‍ഡറി സ്‌കൂളില്‍ നടന്ന ജില്ലാ മത്സരം എസ്.വൈ.എസ് ജില്ലാ സെക്രട്ടറി ഷാഹുല്‍ ഹമീദ് മേല്‍മുറി ഉദ്ഘാടനം ചെയ്തു. എസ്.കെ.എസ്.എസ്.എഫ് ജില്ലാ ജോയിന്റ് സെക്രട്ടറി സ്വദഖത്തുല്ലാഹ് ചെറുമുറ്റം അധ്യക്ഷനായി. സെക്രട്ടറിയേറ്റ് അംഗം ശംസാദ് സലീം നിസാമി, സര്‍ഗലയ കണ്‍വീനര്‍ സുലൈമാന്‍ ഉഗ്രപുരം, ശാക്കിര്‍ തോണിക്കല്ലുപാറ, സൈനുദ്ദീന്‍ ഒളവട്ടൂര്‍, സഫറുദ്ദീന്‍ പൂക്കോട്ടൂര്‍, ഉസ്മാന്‍ ഫൈസി, ടി.പി അബ്ദുല്‍വഹാബ് സംസാരിച്ചു.