പെര്‍ത്ത്: ടെന്നീസ് സൂപ്പര്‍ റോജര്‍ ഹോപ്പ് മാന്‍ കപ്പിനുള്ള സ്വിറ്റ്‌സര്‍ലന്‍ഡ് മിക്‌സഡ് ഡബിള്‍സ് ടീമില്‍. അടുത്ത വര്‍ഷം ആദ്യമാണ് ടൂര്‍ണമെന്റ് നടക്കുന്നത്. 16ാം റാങ്ക് താരം ബെലിന്ദ ബെന്‍സിക്കാണ് ഫെഡററുടെ പങ്കാളി. 15 വര്‍ഷത്തിനു ശേഷമാണ് സീസണിന് മുമ്പുള്ള സന്നാഹമെന്ന് വിശേഷിപ്പിക്കപ്പെടുന്ന ടൂര്‍ണമെന്റില്‍ ഫെഡറര്‍ കളിക്കുന്നത്. നേരത്തെ 2001ല്‍ മാര്‍ട്ടിന ഹിംഗിസിനൊപ്പം ഫെഡറര്‍ ഹോപ്പ് മാന്‍ കപ്പ് സ്വന്തമാക്കിയിരുന്നു.