ചാലക്കുടി: ചാലക്കുടിയില്‍ ചിക്കന്‍പോക്‌സ് പടരുന്നു. പള്ളി കനാല്‍ പ്രദേശത്താണ് രോഗം രൂക്ഷമായിരിക്കുന്നത്. ഇവിടത്തെ മൂന്ന് വീട്ടുകാര്‍ക്ക് രോഗംപിടിപെട്ടതായാണ് അറിവ്. പള്ളി പാരിഷ് ഹാളില്‍ പ്രവര്‍ത്തിച്ചിരുന്ന ദുരിതാശ്വാസ ക്യാംപിലുണ്ടായിരുന്ന പലര്‍ക്കും രോഗലക്ഷണം കണ്ടുതുടങ്ങിയതായി പറയുന്നു. രോഗലക്ഷണം കണ്ടതിനെ തുടര്‍ന്ന് രണ്ടു പേരെ ക്യാംപില്‍ നിന്നും മാറ്റിയിരുന്നു. ഈ ക്യാംപിലുണ്ടായിരുന്നവര്‍ രോഗം പിടിപെടുമോയെന്ന ഭീതിയിലാണിപ്പോള്‍. ആരോഗ്യ വിഭാഗത്തിന്റെ ജാഗ്രത വേണമെന്നാണ് ആവശ്യമുയരുന്നത്.