കൊല്ലം: ശാസ്ത്രീയമായ അജൈവ മാലിന്യ സംസ്‌കരണത്തിന്റെ ഭാഗമായി പാഴ്‌വസ്തു വ്യാപാരികളും പാഴ്‌വസ്തു ശേഖരിക്കുന്നവരും 23നകം രജിസ്റ്റര്‍ ചെയ്യണമെന്ന്   ശുചിത്വമിഷന്‍ ജില്ലാ കോഓര്‍ഡിനേറ്റര്‍ അറിയിച്ചു.
കോര്‍പ്പറേഷന്‍, നഗരസഭാ പരിധിയില്‍ പ്രവര്‍ത്തിക്കുന്നവര്‍ സിവില്‍ സ്റ്റേഷനിലെ ശുചിത്വ മിഷന്‍ ഓഫീസിലും ഗ്രാമ പഞ്ചായത്തുകളില്‍ പ്രവര്‍ത്തിക്കുന്നവര്‍ അതത് വില്ലേജ് എക്സ്റ്റന്‍ഷന്‍ ഓഫീസുകളിലുമാണ് രജിസ്റ്റര്‍ ചെയ്യേണ്ടത്. ഇതിനായി ഫോട്ടോ, തിരിച്ചറിയല്‍ കാര്‍ഡിന്റെ പകര്‍പ്പ് എന്നിവ ഹാജരാക്കണം.