മലപ്പുറം: രോഗം കാരണമായി സാമ്പത്തികമായും മാനസികമായും തളര്‍ന്നുകഴിയുന്ന പ്രാസ്ഥാനിക പ്രവര്‍ത്തകരെ സഹായിക്കുന്നതിനായി സുന്നി യുവജന സംഘം ജില്ലാ കമ്മിറ്റിയുടെ കീഴില്‍ ആവിഷ്‌കരിച്ച മുസാഅദയുടെ ഫണ്ട് ശേഖരണം ഇന്ന് പള്ളികള്‍ കേന്ദ്രീകരിച്ചും അല്ലാതെയും ജില്ലയിലെ മഹല്ലുകളില്‍ നടക്കും.
ബലി പെരുന്നാള്‍ ദിനത്തില്‍ മുസാഅദ ഫണ്ട് ശേഖരണം ഉദ്ദേശിച്ചിരുന്നുവെങ്കിലും പ്രളയ ദുരിതം കാരണം ഫണ്ട് ശേഖരണം ഇന്നത്തേക്ക് മാറ്റിവയ്ക്കുകയായിരുന്നു.
സ്വരൂപിക്കുന്ന ഫണ്ട് ഇന്നോ നാളെയോ തന്നെ പഞ്ചായത്ത് മുനിസിപ്പല്‍ മുസാഅദ കോര്‍ഡിനേറ്റര്‍മാരെ ഏല്‍പ്പിക്കണമെന്നും അവര്‍ സെപ്റ്റംബര്‍ മൂന്നിനകം മണ്ഡലം എസ്.വൈ.എസ് സെക്രട്ടറിമാര്‍ മുഖേന സംഖ്യ സുന്നി മഹലിലെത്തിത്തിക്കണമെന്നും എസ്.വൈ.എസ് ജില്ലാ കമ്മിറ്റി ഓഫിസില്‍ നിന്നറിയിച്ചു.

'പള്ളികളില്‍ ഉദ്‌ബോധനം നടത്തണം'

മലപ്പുറം: ജീവകാര്യുണ്യ പ്രവര്‍ത്തന രംഗത്ത് ജില്ലയില്‍ അഭിനന്ദനാര്‍ഹമായ പങ്ക്‌വഹിക്കുന്ന എസ്.വൈ.എസ് മുസാഅദ ഫണ്ടിലേക്ക് ഇന്ന് പള്ളികളിലും മറ്റും കേന്ദ്രീകരിച്ച് നടക്കുന്ന സമാഹരണം വിജയിപ്പിക്കാന്‍ ഖത്വീബുമാര്‍ ഉദ്‌ബോധനം നടത്തണമെന്ന് സമസ്ത കേരള ജംഇയ്യത്തുല്‍ ഖുത്വബാഅ് ജില്ലാ പ്രസിഡന്റ് ഇ.കെ കുഞ്ഞമ്മദ് മുസ്‌ലിയാരും ജന. സെക്രട്ടറി ഹംസ റഹ്മാനി കൊണ്ടിപറമ്പും അഭ്യര്‍ഥിച്ചു.