തലശ്ശേരി: ഗ്രീന്‍ വിങ്‌സിന്റെ ആഭിമുഖ്യത്തില്‍ എ.കെ മുസ്തഫയുടെ സ്മരണാര്‍ഥം തലശ്ശേരി പഴയബസ്സ്റ്റാന്‍ഡ് പരിസരത്ത് കുടിവെള്ളവിതരണത്തിനായി തണ്ണീര്‍പന്തലൊരുക്കി. ആശുപത്രിക്കു മുന്‍വശമുള്ള സ്ഥലത്ത് പ്രത്യേക പന്തലൊരുക്കിയാണ് ഗ്രീന്‍വിങ്‌സ് പ്രവര്‍ത്തകര്‍ കുടിവെള്ളവും ശീതളപാനീയവും സംഭാരവും വിതരണം ചെയ്യുന്നത്. എല്ലാദിവസവും പാനീയങ്ങള്‍ സൗജന്യമായി വിതരണം ചെയ്യുമെന്ന് സംഘാടകര്‍ അറിയിച്ചു. എന്‍.കെ അഹമ്മദ് ഉദ്ഘാടനം ചെയ്തു. സക്കറിയ ഉമ്മന്‍ചിറ അധ്യക്ഷനായി. ടേസ്റ്റി ബഷീര്‍, പൊന്നകം നൗഷാദ് മുല്ലക്കോയ, ഫസല്‍ ഇരഞ്ഞോളി, നാസര്‍ കാഞ്ഞിരകുന്നത്ത്, ആസിഫ് മട്ടാമ്പ്രം, ടി.പി നൗഷാദ്, ടി.പി അര്‍ഷാദ് നേതൃത്വം നല്‍കി.