മനാമ: ബഹ്റൈനില്‍ കൊവിഡ് വ്യാപനം നിയന്ത്രിക്കുന്നതിനായി അടുത്ത രണ്ടാഴ്ച കൂടിച്ചേരലുകൾ നിര്‍ബന്ധമായും ഒഴിവാക്കണമെന്ന് അധികൃതര്‍ വാര്‍ത്താസമ്മേളനത്തിലൂടെ ആവശ്യപ്പെട്ടു.

കൊവിഡ് പ്രതിരോധത്തിനുള്ള നാഷനൽ മെഡിക്കൽ ടീം അംഗവും ആരോഗ്യമന്ത്രാലയത്തിലെ അണ്ടർ സെക്രട്ടറിയുമായ ഡോ. വലീദ് അൽ മാനിഅ് ആണ് ഇക്കാര്യം അഭ്യര്‍ത്ഥിച്ചത്. കർശന മുൻകരുതൽ നിർദേശങ്ങൾ പാലിക്കുകയെന്നത് ഒാരോ വ്യക്തിയുടെയും ഉത്തരവാദിത്തമാണെന്നും അദ്ദേഹം കൂട്ടിച്ചേര്‍ത്തു.

ബഹ്റൈനില്‍ ഈയിടെയായി രോഗികളുടെ എണ്ണം വർധിച്ചുകൊണ്ടിരിക്കുകയാണ്. പരിപാടികളിലും സംഗമങ്ങളിലും പെങ്കടുത്തതുവഴിയാണ് പലർക്കും രോഗം ബാധിച്ചതെന്നാണ് സമ്പർക്ക ശൃംഖലാ പരിശോധനയിൽ വ്യക്തമാകുന്നത്. രോഗം വ്യാപിക്കാനുള്ള സാധ്യതയെക്കുറിച്ച് പല ഘട്ടങ്ങളിലും ആരോഗ്യമന്ത്രാലയം മുന്നറിയിപ്പ് നൽകിയിരുന്നതാണ്.

ഇപ്പോഴെങ്കിലും രണ്ടാഴ്ച കൂടിച്ചേരലുകൾ ഒഴിവാക്കി രോഗ വ്യാപന ശൃംഖല ഭേദിക്കാൻ കഴിയണമെന്നും അദ്ദേഹം പറഞ്ഞു. സർക്കാർ സ്കൂളുകളുടെ പ്രവർത്തനം ആരംഭിക്കുന്നത് രണ്ടാഴ്ച നീട്ടിവെച്ചത് രോഗവ്യാപനം തടയുന്നതിനാണ്. അധ്യാപകരെയും മറ്റ് ജീവനക്കാരെയും കോവിഡ് പരിശോധനക്ക് വിധേയരാക്കും. റസ്റ്റാറൻറുകളുടെ പ്രവർത്തനം ക്രമേണ പുനരാരംഭിക്കുന്ന സാഹചര്യത്തിൽ വാണിജ്യ, വ്യവസായ, വിനോദ സഞ്ചാര മന്ത്രാലയവുമായി സഹകരിച്ച് പരിശോധന ശക്തിപ്പെടുത്തുമെന്നും അദ്ദേഹം വിശദീകരിച്ചു.

കൊവിഡ് ബാധിതരായത് 702 പേര്‍

കഴിഞ്ഞ ദിവസം മാത്രം ബ​ഹ്​​റൈ​നി​ൽ 702 പേരാണ് രോഗബാധിതരായതെന്ന് ആരോഗ്യമന്ത്രാലയം അറിയിച്ചു. ഇ​വ​രി​ൽ 98 പേ​ർ പ്ര​വാ​സി​ക​ളാ​ണ്. 602 പേ​ർ​ക്ക്​ സ​മ്പ​ർ​ക്ക​ത്തി​ലൂ​ടെ​യും ര​ണ്ടു​പേ​ർ​ക്ക്​ യാ​ത്ര​യി​ലൂ​ടെ​യു​മാ​ണ്​ രോ​ഗം പ​ക​ർ​ന്ന​ത്. നി​ല​വി​ൽ 5002 പേ​രാ​ണ്​ ചി​കി​ത്സ​യി​ൽ ക​ഴി​യു​ന്ന​ത്. 334 പേ​ർ സു​ഖം പ്രാ​പി​ച്ച​താ​യും ആ​രോ​ഗ്യ മ​ന്ത്രാ​ല​യം അ​റി​യി​ച്ചു. ഇ​തോ​ടെ, രാ​ജ്യ​ത്ത്​ രോ​ഗ​മു​ക്​​തി നേ​ടി​യ​വ​രു​ടെ എ​ണ്ണം 51574 ആ​യി ഉ​യ​ർ​ന്നതായി ആരോഗ്യ മന്ത്രാലയം അറിയിച്ചു.