കൊല്ലങ്കോട്: കാമ്പ്രത്ത്ചള്ളയിലെ മാലിന്യം പരിഹാരത്തിന് ഇന്ന്പഞ്ചായത്തില്‍ യോഗംചേരും. ചേരുമംഗലംഗോവിന്ദാപുരം റോസില്‍ കാമ്പ്രത്ത് ചള്ളയില്‍ കുന്നുകൂടുന്ന മാലിന്യം നീക്കം ചെയ്യുന്നതിന് പഞ്ചായത്ത് ഇടപെടലുകള്‍ പരിഹാരം കണ്ടെത്താത്തതിനെ തുടര്‍ന്നാണ് റോഡരുകിലെ മാലിന്യങ്ങള്‍ നിക്ഷേപിക്കാതിരിക്കുവാന്‍ പൊലീസിന്റെ സഹായത്തോടെ പഞ്ചായത്ത് ഇടപെടല്‍ ശക്തമാക്കുന്നതിന്റെ ഭാഗമായി ഇന്ന്്് രാവിലെ പത്ത് മണിക്ക് വ്യാപാരികള്‍, പൊലീസ്, ഓട്ടോടാക്‌സി യൂണിയന്‍ ഭാരവാഹികള്‍ എന്നിവരെ ഉള്‍പ്പെടുത്തി പഞ്ചായത്ത് ഹാളില്‍ യോഗം വിളിച്ചു ചേര്‍ക്കുന്നത്.
ഉറവിട മാലിന്യ സംസ്‌കരണം വ്യാപിപ്പിക്കുവാനും വൃത്തിയാക്കിയ പ്ലാസ്റ്റിക്ക് മാലിന്യങ്ങള്‍ പഞ്ചായത്ത് ഏറ്റെടുത്ത് സംസ്‌ക്കരിക്കുവാനും പഞ്ചായത്ത് പദ്ധതി തയ്യാറാക്കീട്ടുണ്ടെന്ന് പഞ്ചായത്ത് പ്രസിഡന്റ് ബേബി സുധ പറഞ്ഞു.