വടകര: പ്രതിസന്ധികള്‍ ഏറെ നിറഞ്ഞു നിന്ന വഴികള്‍ താണ്ടിയുള്ള മുസ്‌ലിം ലീഗിന്റെ പ്രയാണത്തിന് കരുത്തു നല്‍കിയത് പുത്തൂര്‍ അസീസിനെ പോലെയുള്ള നേതാക്കളാണെന്ന് പി.കെ കുഞ്ഞാലിക്കുട്ടി. പ്രവര്‍ത്തകരില്‍ നിന്ന് ഏറെ സ്‌നേഹം പിടിച്ചു പറ്റുന്നതോടൊപ്പം ധൈര്യത്തോടെ മുസ്‌ലിംലീഗിന് നേതൃത്വം നല്‍കുന്നതിന് പുത്തൂരിന് കഴിഞ്ഞതായും കുഞ്ഞാലിക്കുട്ടി പറഞ്ഞു.
ഷാര്‍ജ കെ.എം.സി.സി വടകര മണ്ഡലം കമ്മിറ്റി പ്രസിദ്ധീകരിച്ച പുത്തൂര്‍ അസീസ് സ്മരണിക 'ഓര്‍മയിലെ പുത്തൂര്‍' പ്രകാശനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പാണക്കാട് സയ്യിദ് മുനവ്വറലി ശിഹാബ് തങ്ങള്‍ 'ഓര്‍മയിലെ പുത്തൂര്‍' പ്രകാശനം ചെയ്തു. പാറക്കല്‍ അബ്ദുല്ല എം.എല്‍.എ ഏറ്റുവാങ്ങി. പ്രതിപക്ഷ ഉപനേതാവ് ഡോ എം.കെ മുനീര്‍ മുഖ്യപ്രഭാഷണം നത്തി. സ്വാഗതസംഘം ചെയര്‍മാന്‍ എം.സി വടകര അധ്യക്ഷനായി. സ്മരണിക എഡിറ്റര്‍ പി അബ്ദുല്‍ ലത്തീഫ് പുസ്തക പരിചയം നടത്തി. ഉമ്മര്‍ പാണ്ടികശാല, പാറക്കല്‍ അബ്ദുല്ല എം.എല്‍.എ, സി.കെ സുബൈര്‍, മിസ്ഹബ് കീഴരിയൂര്‍, ടി.കെ അബ്ദുല്‍ ഹമീദ്, എസ്.വി അബ്ദുല്ല, കെ.കെ നവാസ്, ഒ.കെ കുഞ്ഞബ്ദുല്ല, ശംസുദ്ദീന്‍ കോച്ചേരി, ഫൈസല്‍ രാമത്ത്, അഫ്്‌നാസ് ചോറോട്, പ്രൊഫ കെ.കെ മഹമൂദ്, പി.പി ജാഫര്‍, ഷുഹൈബ് കുന്നത്ത്, ഒ.കെ ഇബ്രാഹിം, കുനിയില്‍ നസീര്‍, അഷ്‌റഫ് അത്തോളി, ഇസ്മായില്‍ എടച്ചേരി, പി.കെ ജമാല്‍, എം.ടി നാസര്‍, മഹറൂഫ് വെള്ളികുളങ്ങര,സജീര്‍ കൊളായി, മുസ്തഫ കാവില്‍, മുഹമ്മദ് നാരങ്ങോളി, അസീസ് നാരങ്ങോളി, അസീസ് കണ്ണൂക്കര, അഷ്‌റഫ് ചാലില്‍, സുബൈര്‍ വള്ളിക്കാട്, മുനീര്‍ കണ്ണൂക്കര, ശിഹാബ് കേളോത്ത്, അബ്ബാസ് ടി.കെ നാദാപുരം, അസ്്‌ലം വള്ളിക്കാട് സംസാരിച്ചു. സ്വാഗതസംഘം കണ്‍വീനര്‍ ടി ഹാഷിം സ്വാഗതവും എന്‍.പി അബ്ദുല്ല ഹാജി നന്ദിയും പറഞ്ഞു.