ന്യൂയോര്‍ക്ക്: യു.എസ് ഓപണിന്റെ കലാശപ്പോരാട്ടത്തില്‍ ജര്‍മന്‍ താരം അലക്‌സാണ്ട@ര്‍ സ്വരേവും ആസ്ട്രിയന്‍ താരം ഡൊമിന് തീമും ഏറ്റുമുട്ടും. കഴിഞ്ഞ ദിവസം നടന്ന സെമി ഫൈനലില്‍ മെദ്‌വെദിനെ തകര്‍ത്താണ് തീം ഫൈനലില്‍ പ്രവേശിച്ചത്. ഇതോടെ യു.എസ് ഓപ്പണ്‍ ഫൈനലില്‍ എത്തുന്ന ആദ്യ ഓസ്ട്രിയന്‍ താരമാകാനും തീമിന് കഴിഞ്ഞു. 6-2, 7-6, 7-6 എന്ന സ്‌കോറിനായിരുന്നു തീമിന്റെ ജയം.
മൂന്ന് മണിക്കൂര്‍ നീണ്ട@ പോരാട്ടത്തിന് ശേഷമായിരുന്നു ആസ്ട്രിയന്‍ താരം ജയം സ്വന്തമാക്കിയത്. റഷ്യന്‍ താരത്തിന് മത്സരത്തിലേക്ക് തിരിച്ചുവരാന്‍ അവസരം ലഭിച്ചെങ്കിലും ചെറിയ പിഴവുകള്‍ കാരണം കൈവിട്ട് പോവുകയായിരുന്നു.
കരിയറിലെ നാലാം ഗ്രാന്റ്‌സ്‌ലാം ഫൈനല്‍ ആണ് ഓസ്ട്രിയന്‍ താരം ഡൊമിനിക് തീമിനു ഇത്. ഈ വര്‍ഷം ര@ണ്ടാം ഗ്രാന്റ് സ്‌ലാം ഫൈനല്‍ കളിക്കാനൊരുങ്ങുന്ന തീമിന്റെ ആദ്യ യു.എസ് ഓപ്പണ്‍ ഫൈനല്‍ കൂടിയാണ് ഇത്.
ആദ്യ ഗ്രാന്‍സ്ലാം കിരീടം ലക്ഷ്യമാക്കി തീം നാളെ ബെല്‍ജിയം താരം സ്വരേവിനെ നേരിടും. അതേ സമയം സ്പാനിഷ് താരം കൊറേനോ ബുസ്റ്റയെ പരാജയപ്പെടുത്തിയായിരുന്നു ജര്‍മന്‍ താരം അലക്‌സാ@ണ്ടര്‍ സ്വരേവ് ഫൈനലില്‍ പ്രവേശിച്ചത്. 6-3, 6-2, 3-6, 4-6, 3-6 എന്ന സ്‌കോറിനായിരുന്നു സ്വരേവിന്റെ ജയം.
ജയത്തോടെ സ്വരേവിന്റെ കരിയറിന്റെ ആദ്യ ഗ്രാന്‍സ്ലാം ഫൈനലിലേക്കാണ് താരം മുന്നേറിയത്. ഇരുപതാം സീഡ് സ്പാനിഷ് താരം പാബ്ലോ കരേനോ ബുസ്റ്റക്കിനെ ശക്തമായ പോരാട്ടത്തിനൊടുവിലായിരുന്നു സ്വരേവ് പരാജയപ്പെടുത്തിയത്.
തന്റെ ആദ്യ ഗ്രാന്റ്‌സ്‌ലാം കിരീടം ലക്ഷ്യമിടുന്ന 23 കാരനായ അലക്‌സാണ്ടര്‍ സ്വരേവിന്റെ ആദ്യ ഗ്രാന്റ്‌സ്‌ലാം ഫൈനലാണ് നാളെ നടക്കാനിരിക്കുന്നത്. ഇതോടെ ഈ സീസണില്‍ യു.എസ് ഓപണിന് പുതിയ അവകാശി എത്തും.
കിരീട പ്രതീക്ഷയു@ണ്ടായിരുന്ന നൊവാക് ദ്യോകോവിച്ച് ടൂര്‍ണമെന്റില്‍ നിന്ന് പുറത്തായതോടെയാണ് പുതിയ അവകാശിക്കുള്ള വളി തെളിഞ്ഞത്. കളത്തിലെ മോശം പെരുമാറ്റത്തെ തുടര്‍ന്നായിരുന്നു ദ്യോകോവിച്ചിനെ ടൂര്‍ണമെന്റില്‍ നിന്ന് പുറത്താക്കിയത്.