എരുമപ്പെട്ടി: ഫിഷറീസ് വകുപ്പ് നടത്തുന്ന മത്സ്യ സമൃദ്ധി പദ്ധതിയുടെ ഭാഗമായി വേലൂര്‍ പഞ്ചായത്തില്‍ മത്സ്യകുഞ്ഞുങ്ങളെ വിതരണം ചെയ്തു.
കട്‌ള, രോഹു, ഗ്രാസ്സ് കാര്‍പ്പ് എന്നീ ഇനങ്ങളില്‍പ്പെട്ട മത്സ്യ കുഞ്ഞുങ്ങളെയാണ് വിതരണം ചെയ്തത്. ഗ്രാമപഞ്ചായത്ത് ഓഫിസില്‍ വെച്ച് നടന്ന മത്സ്യകുഞ്ഞുങ്ങളുടെ വിതരണോദ്ഘാടനം പഞ്ചായത്ത് പ്രസിഡന്റ് ഷേര്‍ളി ദിലീപ്കുമാര്‍ നിര്‍വഹിച്ചു.
വൈസ് പ്രസിഡന്റ് ടി.എം അബ്ദുള്‍ റഷീദ് അധ്യക്ഷനായി. സ്റ്റാന്റിങ് കമ്മിറ്റി ചെയര്‍മാന്മാരായ സ്വപ്ന രാമചന്ദ്രന്‍, ടി.ആര്‍ ഷോബി, പഞ്ചായത്തംഗങ്ങളായ ഷീബ ഗോപിനാഥ്, കെ.കെ ഷാജന്‍, ഡെയ്‌സി ഡേവിസ് സംസാരിച്ചു.