മണ്ണുത്തി: കേരള കാര്‍ഷിക സര്‍വകലാശാല സംഘടിപ്പിക്കുന്ന ഡോ.കെ.എന്‍ ശ്യാമസുന്ദരന്‍ നായര്‍ അനുസ്മരണ പ്രഭാഷണം ഇന്ന് വെള്ളാനിക്കര ഹോര്‍ട്ടിക്കള്‍ച്ചര്‍ കോളജില്‍ നടക്കും. കൃഷിമന്ത്രി അഡ്വ.വി.എസ് സുനില്‍ കുമാര്‍ പങ്കെടുക്കുന്ന ചടങ്ങില്‍ മുന്‍ കേരള സര്‍വകലാശാലാ വൈസ് ചാന്‍സലര്‍ ഡോ.ബി.ഇക്ബാല്‍ അനുസ്മരണ പ്രഭാഷണം നടത്തും.
ജനിതക വിപ്ലവത്തിന്റെ നൈതികതയും സാമൂഹ്യ പ്രത്യഘാതങ്ങളും എന്നതാണ് പ്രഭാഷണ വിഷയം. രാവിലെ 10.30 ന് ഹോര്‍ട്ടിക്കള്‍ച്ചര്‍ കോളജില്‍ നടക്കുന്ന പരിപാടിയില്‍ കെ.രാജന്‍ എം.എല്‍.എ, വൈസ് ചാന്‍സലര്‍ ഡോ.പി.രാജേന്ദ്രന്‍പങ്കെടുക്കും. മുന്‍ കാര്‍ഷിക സര്‍വകലാശാലാ വൈസ് ചാന്‍സലറും സാമ്പത്തിയ വിദഗ്ധനും ആസൂത്രണ ബോര്‍ഡംഗവുമായിരുന്ന ഡോ.കെ.എന്‍ ശ്യാമ സുന്ദരന്‍ നായരുടെ സ്മരണാര്‍ഥം സംഘടിപ്പിക്കുന്ന പ്രഭാഷണ പരമ്പരയിലെ പതിനൊന്നാം പ്രഭാഷണമാണ് ഇത്.