കോഴിക്കോട്: എം.ഇ.എസ് സംസ്ഥാന പ്രസിഡന്റ് ഡോ.ഫസല്‍ ഗഫൂറിന് വധ ഭീഷണി. ഇന്നലെ വൈകീട്ട് അഞ്ചര മണിക്കാണ് ടെലിഫോണില്‍ ഭീഷണി സന്ദേശമെത്തിയതെത്രെ.
എം.ഇ.എസ് വിദ്യാഭ്യാസ സ്ഥാപനങ്ങളില്‍ പുറത്തിറക്കിയ പുതിയ സര്‍ക്കുലര്‍ പിന്‍വലിച്ചില്ലെങ്കില്‍ വകവരുത്തുമെന്നാണ് വോയ്‌സ് മെസേജ്. ഗള്‍ഫില്‍ നിന്നുള്ള നമ്പരില്‍ നിന്നാണ് ഫോണ്‍ സന്ദേശമെത്തിയതെന്ന് നടക്കാവ് പൊലിസ് വ്യക്തമാക്കി. ഇതു സംബന്ധിച്ച് ഡോ. ഫസല്‍ ഗഫൂര്‍ കോഴിക്കോട് നടക്കാവ് പൊലിസില്‍ പരാതി നല്‍കിയിട്ടുണ്ട്.

മുസ്‌ലിം മതാചാരപ്രകാരമുള്ള സ്ത്രീകളുടെ വസ്ത്രധാരണത്തെക്കുറിച്ചുള്ള സര്‍ക്കുലര്‍ ഫസല്‍ ഗഫൂര്‍ പിന്‍വലിക്കണമെന്ന് എം.ഇ.എസ് കാസര്‍കോട് ജില്ലാ കമ്മിറ്റി പ്രസ്താവനയില്‍ ആവശ്യപ്പെട്ടിരുന്നു. ഫസല്‍ ഗഫൂറിനെതിരേ വിമര്‍ശനങ്ങളും ഉയര്‍ന്നിരുന്നു.