കാസര്‍കോട്: ജില്ലാ ആസ്ഥാനത്തു നടക്കുന്ന രാജ്യത്തിന്റെ 70-ാമതു സ്വാതന്ത്ര്യദിന പരേഡിനു വിപുലമായ ഒരുക്കങ്ങള്‍ നടത്താന്‍ കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ തീരുമാനിച്ചു. യോഗത്തില്‍ എഡി.എം കെ അംബുജാക്ഷന്‍ അധ്യക്ഷനായി.
സായുധസേന വിഭാഗം അസി. കമാന്‍ഡര്‍ വൈ അശോകന്‍, പരേഡ് കമാന്‍ഡര്‍ കെ വിശ്വനാഥന്‍ എന്നിവര്‍ പരേഡ് നടപടികള്‍ വിശദീകരിച്ചു. സ്വാതന്ത്ര്യദിന പരേഡ് വീക്ഷിക്കുന്നതിനു എല്ലാ വകുപ്പുകളിലെയും ജില്ലാ ഉദ്യോഗസ്ഥരും ജീവനക്കാരും മുനിസിപ്പല്‍ സ്റ്റേഡിയത്തില്‍ എത്തണമെന്ന് എഡി.എം പറഞ്ഞു.
ഓഗസ്റ്റ് 11, 12 തിയതികളില്‍ ഉച്ചയ്ക്ക് രണ്ടിനു 13 ന് രാവിലെ ഏഴിനു പരേഡ് റിഹേഴ്‌സല്‍ നടക്കും.