ഹൈദരാബാദ്:തെലങ്കാനയില്‍ അധ്യാപകന്റെ അടിയേറ്റ് വിദ്യാര്‍ഥിയുടെ കാഴ്ച ശക്തി നഷ്ടപ്പെട്ടു.പ്രകാശം ജില്ലയിലെ കമ്പം മണ്ടലിലെ രവിപാടുവിലാണ് സംഭവം നടന്നത്. ആല്‍ഫാ സ്‌കൂളിലെ വിദ്യാര്‍ഥിയായ മോഹന്‍ രംഗയുടെ കാഴ്ചയാണ് നഷ്ടപ്പെട്ടത്.
ഒരാഴ്ച മുമ്പാണ് അധ്യാപകന്‍ കുട്ടിയെ വടികൊണ്ട് അടിച്ചത്. മോഹന്‍ തനിക്ക് ഒന്നും കാണാന്‍ കഴിയുന്നില്ലെന്ന് പറഞ്ഞതിനെ തുടര്‍ന്ന് മാതാപിതാക്കള്‍ കുട്ടിയെ ആശുപത്രില്‍ കൊണ്ടുപോവുകയായിരുന്നു. ഇവിടെ നടത്തിയ പരിശോധനയിലാണ് കാഴ്ച ശക്തി നഷ്ടപ്പെട്ട വിവരം ഡോക്ടര്‍മാര്‍ സ്ഥിരീകരിച്ചത്.