ജിദ്ദ: ഈ വര്‍ഷത്തെ ഉംറ സീസണ്‍ 11 മുതല്‍ ആരംഭിക്കുമെന്നു സഊദി ഹജ്ജ്-ഉംറ മന്ത്രാലയം അറിയിച്ചു. മുന്‍ വര്‍ഷങ്ങളില്‍നിന്നു വ്യത്യസ്തമായി ഒരു മാസം നേരത്തേയാണ് ഇത്തവണ ഉംറ സീസണ്‍ ആരംഭിക്കുന്നത്.
നേരത്തെ സഫര്‍ മാസം മുതലാണ് ഉംറ സീസണ്‍ ആരംഭിച്ചിരുന്നത്. ഒന്‍പതു മാസമായിരുന്ന സീസണ്‍ ഇത്തവണ പത്തു മാസമാക്കി ഉയര്‍ത്തിയിട്ടുണ്ട്. ശവ്വാല്‍ മാസംവരെ ഉംറ സീസണ്‍ നീണ്ടുനില്‍ക്കും. ഉംറയ്‌ക്കെത്തുന്ന തീര്‍ഥാടകരുടെ സേവനങ്ങള്‍ക്ക് മന്ത്രാലയം ഒരുക്കങ്ങള്‍ നടത്തിയിട്ടുണ്ട്. വിദേശകാര്യ മന്ത്രാലയം, വിവിധ ഗവണ്‍മെന്റ് വിഭാഗം, വിദേശങ്ങളില്‍ ഉംറ സേവനത്തിലുള്ള സ്ഥാപനങ്ങള്‍ തുടങ്ങിയവരുമായി സഹകരിച്ചാണ് ഉംറ തീര്‍ഥാടകര്‍ക്കുള്ള മെച്ചപ്പെട്ട സേവനം ഒരുക്കിയിട്ടുള്ളത്.
1.9 കോടി തീര്‍ഥാടകരാണ് കഴിഞ്ഞ തവണ ഉംറയ്‌ക്കെത്തിയതെന്നു സഊദി സ്റ്റാറ്റിസ്റ്റിക്‌സ് വിഭാഗം അറിയിച്ചു.