കൂത്തുപറമ്പ്: അനധികൃതമായി ഓട്ടോറിക്ഷയില്‍ കടത്തുകയായിരുന്ന 50 ലിറ്റര്‍ വിദേശമദ്യവുമായി ഒരാള്‍ അറസ്റ്റില്‍. തൃപ്പങ്ങോട്ടൂര്‍ പൊയിലൂരിലെ കെ.പി ഗംഗാധരനെ (49)യാണ് കൂത്തുപറമ്പ് എക്‌സൈസ് ഇന്‍സ്‌പെക്ടര്‍ സി. രജിത്ത് അറസ്റ്റ് ചെയ്തത്. മദ്യം കടത്താനുപയോഗിച്ച ഓട്ടോറിക്ഷയും കസ്റ്റഡിയിലെടുത്തു. ഓട്ടോറിക്ഷയുടെ രഹസ്യ അറകളില്‍ ഒളിപ്പിച്ച നിലയിലായിരുന്നു മദ്യകുപ്പികള്‍ സൂക്ഷിച്ചിരുന്നത്. ഇയാളെ എക്‌സൈസ് സംഘം ദിവസങ്ങായി നിരീക്ഷിച്ചു വരികയായിരുന്നു. മുന്‍പ് ഇയാള്‍ അബ്കാരി കേസില്‍ പ്രതിയാണെന്നും എക്‌സൈസ് ഉദ്യോഗസ്ഥര്‍ പറഞ്ഞു.