റായ്പൂര്‍: മാവോയിസ്റ്റ് വെല്ലുവിളികള്‍ രൂക്ഷമായ സാഹചര്യത്തില്‍ പുതിയ നീക്കവുമായി ഛത്തിസ്ഗഡ് പൊലിസ്. കീഴടങ്ങിയ മാവോയിസ്റ്റുകളെ മുഖ്യധാരയിലേക്ക് കൊണ്ടുവരുന്നതിന്റെ ഭാഗമായി കീഴടങ്ങിയ 30 മാവോയിസ്റ്റ് വനിതാ അംഗങ്ങളെ പ്രത്യേക റിക്രൂട്ട്‌മെന്റിലൂടെ കമാന്‍ഡോ വിഭാഗത്തിലേക്ക് തിരഞ്ഞെടുത്തു.
ബസ്തര്‍ മേഖലയിലെ ദന്തേവാദ യൂനിറ്റിലാണ് മുന്‍മാവോയിസ്റ്റ് പ്രവര്‍ത്തകരായ 30 വനിതകളെ കമാന്‍ഡോകളായി തിരഞ്ഞെടുത്തത്.
ഇവരെ തെരഞ്ഞെടുത്തത് കേവലം യുദ്ധം ചെയ്യാന്‍ മാത്രമല്ല, മറിച്ച് ഈ സ്ത്രീകളെ സമൂഹത്തിന്റെ മുഖ്യധാരയിലേക്ക് എത്തിക്കുക എന്ന ലക്ഷ്യംവച്ചാണെന്ന് പൊലിസ് പറഞ്ഞു.
ഈ കമാന്‍ഡോ വിഭാഗത്തെ ദന്തേവാരി ഫൈറ്റേഴ്‌സ് എന്ന പേരിലാണ് അറിയപ്പെടുക. കഴിഞ്ഞ ആറുമാസത്തിനുള്ളില്‍ നിരവധി പേരാണ് മാവോയിസ്റ്റുകളുടെ ആക്രമണത്തില്‍ കൊല്ലപ്പെട്ടത്.