അഹമ്മദ് നഗര്‍: ലോക്പാല്‍ നടപ്പാക്കുക, കര്‍ഷകര്‍ക്ക് പ്രതിമാസം 5,000 രൂപ പെന്‍ഷന്‍ അനുവദിക്കുക തുടങ്ങിയ ആവശ്യങ്ങള്‍ ഉന്നയിച്ച് സാമൂഹിക പ്രവര്‍ത്തകന്‍ അണ്ണാ ഹസാരെ നിരാഹാര സമരത്തിലേക്ക്. ഒക്ടോബര്‍ രണ്ടിന് ഇക്കാര്യം ഉന്നയിച്ച് സമരം നടത്തുമെന്ന് അദ്ദേഹം അറിയിച്ചു.
കാര്‍ഷിക മേഖലയുടെ പുനരുദ്ധാരണത്തിനായി സ്വാമിനാഥന്‍ കമ്മിഷന്‍ ശുപാര്‍ശ നടപ്പാക്കണമെന്ന് അദ്ദേഹം പ്രസ്താവനയിലൂടെ ആവശ്യപ്പെട്ടു. ഇക്കാര്യം ആവശ്യപ്പെട്ട് കേന്ദ്രത്തിന് കത്തയച്ചിട്ടും ഇതുവരെ മറുപടി ലഭിച്ചിട്ടില്ല. കാര്‍ഷിക മേഖലയുടെ ഉന്നമനത്തിനൊപ്പം കര്‍ഷകര്‍ക്ക് പ്രതിമാസം 5,000 രൂപ പെന്‍ഷന്‍ നല്‍കണമെന്നും അദ്ദേഹം ആവശ്യപ്പെട്ടു.