ജിദ്ദ: വിശുദ്ധ റമദാനില്‍ ജിദ്ദ കെഎംസിസി സെന്‍ട്രല്‍ കമ്മിറ്റി നടത്തുന്ന റിലീഫ് പ്രവര്‍ത്തനങ്ങള്‍ വിജയിപ്പിക്കാന്‍ റുവൈസ് ഏരിയ കെഎംസിസി കമ്മിറ്റി തീരുമാനിച്ചു. ഇതിന്റെ ഭാഗമായി നിര്‍ധനരായ രോഗികളെ സഹായിക്കുന്ന സി.എച്. സെന്റര്, നിര്‍ധനരായ പ്രവാസികളെ സഹായിക്കുന്ന ശിഹാബ് തങ്ങള്‍ റിലീഫ് സെല്‍ എന്നിവയിലേക്ക് പരമാവധി ധനശേഖരണം നടത്താനും യോഗം തീരുമാനിച്ചു. റമദാന് ശേഷം റുവൈസില്‍ നിന്നും മദീന സിയാറ സംഘടിപ്പിക്കാനും തീരുമാനിച്ചു.

യോഗത്തില്‍ ആക്ടിങ് പ്രസിഡന്റ് മുസ്തഫ ചെമ്പന്‍ അധ്യക്ഷത വഹിച്ചു. മുഹമ്മദലി പന്താരങ്ങാടി ഉത്ഘാടനം ചെയ്തു. അബ്ദു ചെമ്പന്‍, ഫിറോസ് പടപ്പറമ്പ്, മുസ്തഫ ആനക്കയം, കെ. എന്‍ .എ ലത്തീഫ്, സയ്യിദ് മുഹ്ദാര്‍ തങ്ങള്‍, ഷഫീഖ് ചങ്ങരംകുളം, ശരീഫ് മുസ്ലിയാരങ്ങാടി തുടങ്ങിയവര്‍ ചര്‍ച്ചയില്‍ പങ്കെടുത്തു സംസാരിച്ചു.
ആക്ടിങ് സെക്രട്ടറി മുഹമ്മദ് കല്ലിങ്ങല്‍ സ്വാഗതവും സലീം കരിപ്പോള്‍ നന്ദിയും പറഞ്ഞു.