മലപ്പുറം: 23ാമത് ദുബൈ ഇന്റര്‍നാഷനല്‍ ഹോളി ഖുര്‍ആന്‍ അവാര്‍ഡ് ദാന ചടങ്ങിലേക്ക് എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂരിന് ക്ഷണം ലഭിച്ചു. ദുബൈ ഭരണാധികാരി ശൈഖ് മുഹമ്മദിന്റെ അതിഥിയായാണ് അദ്ദേഹം ചടങ്ങില്‍ പങ്കെടുക്കുക.
മെയ് 17ന് രാത്രി 10ന് ദുബൈ അല്‍ ജദ്ദാഫിലെ അല്‍ വസല്‍ ക്ലബ്ബില്‍ 'ഖുര്‍ആന്‍ സഹിഷ്ണുതയുടെ സന്ദേശം' എന്ന വിഷയത്തില്‍ പ്രഭാഷണവും നടത്തും. തുടര്‍ന്ന് ഹോളി ഖുര്‍ആന്‍ സമിതിയുടെ വിവിധ പരിപാടികളില്‍ പങ്കെടുക്കും. പ്രബോധന പ്രഭാഷണ രംഗത്തെ സേവനം മുന്‍ നിര്‍ത്തി രണ്ടുവര്‍ഷം മുന്‍പ് യു.എ.ഇ ഭരണാധികാരി ശൈഖ് ഖലീഫ ബിന്‍ സായിദ് അല്‍ നഹ്യാന്റെ അതിഥിയായി അബ്ദുസമദ്പൂക്കോട്ടൂര്‍ എത്തിയിരുന്നു.