കുറവിലങ്ങാട്: സ്റ്റേറ്റ് സീഡ് ഫാമിനും ജില്ലാ കൃഷിത്തോട്ടത്തിലും നിലനില്‍ക്കുന്ന വിവിധ പ്രശ്‌നങ്ങള്‍ പരിശോധിക്കുന്നതിനും വികസന സാദ്ധ്യത വിലയിരുത്തുന്നതിനുമായി  കൃഷി മന്ത്രി വി.എസ് സുനില്‍കുമാര്‍ കോഴ ഫാം സന്ദര്‍ശിക്കും. ഓഗസ്റ്റ് ഒന്നിന് ഉച്ചയ്ക്ക് 12.30നാണു മന്ത്രി ഫാം സന്ദര്‍ശിക്കാനെത്തുന്നതെന്ന് അഡ്വ. മോന്‍സ് ജോസഫ് എം.എല്‍.എ അറിയിച്ചു.
    ആദ്യം സ്റ്റേറ്റ് സീഡ് ഫാമിലും തുടര്‍ന്ന് ജില്ലാ കൃഷിത്തോട്ടവും മന്ത്രി സന്ദര്‍ശിക്കും. ജില്ല - ബ്ലോക്ക് - ഗ്രാമപഞ്ചായത്ത് ജനപ്രതിനിധികളുമായും വിവിധ തൊഴിലാളി സംഘടനാ നേതാക്കളുമായും ചര്‍ച്ച നടത്തും.
കോഴാ ഫാമില്‍ സംജാതമായ വിവിധ പ്രശ്‌നങ്ങള്‍ ശ്രദ്ധയില്‍പ്പെടുത്തുകയും  കാര്‍ഷിക പുരോഗതിക്കുപകരിക്കുന്ന വിവിധ പദ്ധതികള്‍ ആവിഷ്‌കരിക്കുന്നതു സംബന്ധിച്ച് കോഴാ ഫാമില്‍ സംജാതമായ വിവിധ പ്രശ്‌നങ്ങളെക്കുറിച്ചും അഡ്വ. മോന്‍സ് ജോസഫ് എം.എല്‍.എ, കൃഷി വകുപ്പു മന്ത്രി വി.എസ് സുനില്‍കുമാറിനു നിവേദനം സമര്‍പ്പിച്ചുകൊണ്ടു നല്‍കിയ ചര്‍ച്ചയെ തുടര്‍ന്നാണു കോഴ ഫാം മന്ത്രി സന്ദര്‍ശിക്കുന്നത്.