തിരുവനന്തപുരം: പൊലിസുകാരുടെ പോസ്റ്റല്‍വോട്ടില്‍ തിരിമറി നടത്തിയതുമായി ബന്ധപ്പെട്ട്് ഒരു പൊലിസുകാരന് സസ്‌പെന്‍ഷന്‍. ശ്രീ പത്മനാഭ സ്വാമി ക്ഷേത്രത്തിലെ കമാന്റോ ആയ എ.ആര്‍ ബറ്റാലിയനിലെ വൈശാഖിനെയാണ് സസ്‌പെന്‍ഡ് ചെയ്തത്. ഇയാള്‍ക്കെതിരേ ജനപ്രാതിനിധ്യനിയമം 136ാം വകുപ്പ് പ്രകാരം ക്രൈംബ്രാഞ്ച് കേസെടുത്തിട്ടുണ്ട്. ഇയാള്‍ മറ്റു പൊലിസുകാരില്‍ സമ്മര്‍ദം ചെലുത്തി പോസ്റ്റല്‍ ബാലറ്റ് കരസ്ഥമാക്കാന്‍ ശ്രമിക്കുന്നതിന്റെ ശബ്ദരേഖ പുറത്തുവന്നതിനെ തുടര്‍ന്നാണ് നടപടിയെടുക്കാന്‍ മുഖ്യതെരഞ്ഞെടുപ്പ് ഓഫിസര്‍ നിര്‍ദേശം നല്‍കിയത്.
മറ്റു നാലു പൊലിസുകാര്‍ക്കെതിരേ വിശദമായ അന്വേഷണത്തിനു ശേഷം നടപടിയെടുക്കും.