വെള്ളറട: അമ്പൂരിക്കടുത്ത് കൂട്ടപ്പൂവിന് സമീപം കമ്മ്യൂണിസ്റ്റ് മുക്കില്‍ തൊഴിലുറപ്പ് ജോലിക്കിടെ പന്നിപ്പടക്കം പൊട്ടി രണ്ടു സ്ത്രീകള്‍ക്ക് പരുക്കേറ്റു. ഇന്നലെ രാവിലെ 11.30നാണ് സംഭവം.
രത്‌നമണിയുടെ പറമ്പില്‍ ജോലി ചെയ്യുന്നതിനിടെയാണ് പന്നിപ്പടക്കം പൊട്ടിയത്. തൊഴിലുറപ്പ് തൊഴിലാളികളായ ലീല (60), ആനി(40) എന്നിവര്‍ക്കാണ് പരുക്കേറ്റത്. ഇവരെ വെള്ളറട സര്‍ക്കാര്‍ ആശുപത്രിയില്‍ പ്രവേശിപ്പിച്ചു.