ഇന്‍ഡോര്‍: മുന്‍പ്രധാനമന്ത്രി രാജീവ് ഗാന്ധിക്കെതിരെ അധിക്ഷേപം അഴിച്ചു വിട്ട് വീണ്ടും ബി.ജെ.പി. രാജീവ് ഗാന്ധി ഈ രാജ്യത്തെ വിറ്റ രാവണനാണെന്നാണ് പുതിയ പരാമര്‍ശം. ബി.ജെ.പി നേതാവ് ജിതു ജിരാതിയാണ് രാവണന്‍ പരാമര്‍ശം നടത്തിയത്.

ഇന്‍ഡോര്‍ തെരഞ്ഞെടുപ്പ് റാലിയില്‍ സംസാരിക്കുകയായിരുന്നു ജിതു. ' പ്രിയങ്ക പ്രധാനമന്ത്രിയെ നരേന്ദ്ര മോദിയെ ദുര്യോധനന്‍ എന്നു വിളിച്ചു. എന്നാല്‍ അവരുടെ പിതാവ് രാജീവ് ഗാന്ധി ഈ രാജ്യത്തെ വിറ്റ രാവണനാണ്'- ജിതു പറഞ്ഞു.

രാജീവ് മരിക്കുമ്പോള്‍ ഒന്നാം മ്പര്‍ അഴിമതിക്കാരനായിരുന്നു എന്ന് പറഞ്ഞ് നരേന്ദ്ര മോദി തന്നെയാണ് ഈ വാക്‌പോരിന് തുടക്കമിട്ടത്. ഇതിനെതിരെ കോണ്‍ഗ്രസ് തെരഞ്ഞെടുപ്പ് കമ്മീഷനെ സമീപിച്ചെങ്കിലും പരാതി കമ്മീഷന്‍ തള്ളുകയായിരുന്നു. എന്നാല്‍ രാഹുല്‍ ഗാന്ധി വിദ്വേഷത്തിന് സ്‌നേഹപൂര്‍വ്വം ഒരാലിംഗനം എന്നാണ് മോദിയോട് പ്രതികരിച്ചത്.2019ലെ പരാജയ ഭീതി മോദിയെ ദുര്യോദനെ പോലെ ക്രുദ്ധനാക്കിയിരിക്കുന്നു എന്ന് പ്രിയങ്കയും പ്രതികരിച്ചു.