മലപ്പുറം: 13 മണിക്കൂര്‍ നിര്‍ത്താതെ പാട്ടുപാടി ലഭിച്ച തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കി തൃശൂര്‍ നസീര്‍ മാതൃകയായി. ലോക റെക്കോര്‍ഡ് ജേതാവായ തൃശൂര്‍ നസീര്‍ മഞ്ചേരി ബസ്സ്റ്റാന്‍ഡ് പരിസരത്ത് ഓഗസ്റ്റ് 23ന് രാവിലെ ഒന്‍പത് മുതല്‍ രാത്രി പത്തുവരെയാണ് പാട്ടുപാടിയത്.
ഇതിലൂടെ 18,420 രൂപ സമാഹരിച്ചു. സൗണ്ട് സിസ്റ്റത്തിനുള്ള 3,000 കിഴിച്ച് ബാക്കി 15,420 രൂപ ജില്ലാ കലക്ടര്‍ അമിത് മീണക്ക് കൈമാറി. കേരളം കണ്ട ഏറ്റവും വലിയ പ്രകൃതി ദുരന്തത്തില്‍ എല്ലാം നഷ്ടപ്പെട്ട് നിരാലംഭരായവക്ക് തന്നാല്‍ കഴിയുന്ന സഹായങ്ങള്‍ ഇനിയും ചെയ്യുമെന്നു തൃശുര്‍ നസീര്‍ പറഞ്ഞു.