കുമ്പള: വാക്കു തര്‍ക്കത്തിനിടെ സുഹൃത്തിനെ കുത്തിപ്പരുക്കേല്‍പ്പിച്ച കേസില്‍ പ്രതിയെ പൊലിസ് അറസ്റ്റു ചെയ്തു. കളത്തൂര്‍ കിദൂര്‍ കുണ്ടങ്കറടുക്കയിലെ രവിചന്ദ്രനെ (36) യാണ് കുമ്പള പൊലിസ് അറസ്റ്റ് ചെയ്തത്.
ഇയാളുടെ സുഹൃത്തായ കെ. രാജേഷിനെ രണ്ടു ദിവസം മുന്‍പ് രാത്രി വാക്കു തര്‍ക്കത്തിനിടെ കത്തികൊണ്ട് വലതു കൈക്ക് കുത്തി പരുക്കേല്‍പിച്ചുവെന്നാണ് കേസ്. രവിചന്ദ്രനെതിരേ വധശ്രമത്തിനാണ് പൊലിസ് കേസെടുത്തത്.