പിലിക്കോട്: എലിപ്പനി പ്രതിരോധ പ്രവര്‍ത്തനത്തിന്റെ ഭാഗമായി പിലിക്കോട് പഞ്ചായത്തിന്റെയും ഓലാട്ട് പ്രാഥമികാരോഗ്യകേന്ദ്രത്തിന്റെയും നേതൃത്വത്തില്‍ കാലിക്കടവിലും മാണിയാട്ടും ഹോട്ടലുകളിലും സ്ഥാപനങ്ങളിലും ശുചിത്വ പരിശോധന നടത്തി.
ചിലയിടങ്ങളില്‍ ഓവുചാലുകളില്‍ മലിനജലം ഒഴുക്കുന്നത് പരിസരവാസികള്‍ക്ക് ബുദ്ധിമുട്ടുണ്ടാക്കുന്നത് ശ്രദ്ധയില്‍പ്പെട്ടതിനെത്തുടര്‍ന്ന് കച്ചവടക്കാര്‍ക്ക് കര്‍ശനമായ താക്കീത് നല്‍കി.
പരിസര ശുചീകരണം, ഭക്ഷണ ശുചിത്വം എന്നിവ കര്‍ശനമായി പാലിക്കാന്‍ വേണ്ട നിര്‍ദേശങ്ങള്‍ നല്‍കി.
ഹെല്‍ത്ത് ഇന്‍സ്‌പെക്ടര്‍ എം. രാജീവന്‍, ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരായ ടി. വിനോദ്, വി. പ്രസീത, ടി.വി ഷൈജ, വി. ജഗദീഷ് എന്നിവരുടെ നേതൃത്വത്തിലായിരുന്നു പരിശോധന.