കായംകുളം: അച്ഛന്റ വേര്‍പാടിന്റെ വേദന മറന്ന് പരീക്ഷയെഴുതിയ മകള്‍ക്കു മികച്ചവിജയം. കറ്റാനം പോപ്പ് പയസ് ഹയര്‍സെക്കന്‍ഡറി സ്‌കൂളിലെ വിദ്യാര്‍ഥിനിയായ  കറ്റാനം പള്ളിക്കല്‍ കൊച്ചുതറയില്‍ ഷീബയുടെ മൂത്തമകള്‍ ശ്രീലക്ഷ്മിയ്ക്കാണ് എസ്.എസ്.എല്‍.സി പരീക്ഷയില്‍ ഏഴ് എ പ്ലസും രണ്ട് എയും ഒരു ബി പ്ലസും ലഭിച്ചത് .
 ഇംഗ്ലീഷ് പരീക്ഷാ ദിവസം പുലര്‍ച്ചെയാണ് ശ്രീലക്ഷ്മി യുടെ അച്ഛന്‍ ഹരികുമാര്‍ (53 )നെഞ്ചുവേദനയെ തുടര്‍ന്ന് മരിച്ചത്.
മരണവാര്‍ത്തയറിഞ്ഞ് സ്‌കൂളിലെ സഹപാഠികളും അധ്യാപകരും  വീട്ടിലെത്തിശ്രീലക്ഷ്മിയെ ആശ്വസിപ്പിക്കുകയും അധ്യാപകന്‍ രാജു പി. വര്‍ഗീസും പഞ്ചായത്ത് അംഗം നികേഷ് തമ്പിയും ചേര്‍ന്ന് പരീക്ഷയെഴുതാന്‍ സ്‌കൂളില്‍ എത്തിക്കുകയുമായിരുന്നു.