ചക്കരക്കല്‍: വാരം കടാങ്കോട് ശാസ്താംകോട്ടം അമ്പലം റോഡ് തകര്‍ന്നു സമീപ ഗ്രാമങ്ങള്‍ ഒറ്റപ്പെടുന്നു. മിക്കയിടങ്ങളിലും റോഡ് ചെളിക്കുളമായി മാറിയതിനാല്‍ വാഹന ഗതാഗതം താറുമാറായി. വാരം ടൗണില്‍ നിന്നുള്ള ഓട്ടോറിക്ഷകളും പ്രദേശത്തേക്കുള്ള ട്രിപ്പുകള്‍ നിര്‍ത്തി. വര്‍ഷങ്ങളായി റോഡ് അറ്റകുറ്റപ്പണി നടത്തിയിട്ടില്ല. നിരവധി തവണ നാട്ടുകാര്‍ അധികൃതര്‍ക്ക് പരാതി നല്‍കിയിട്ടും യാതൊരു പരിഗണനയും ലഭിച്ചില്ല. ചതുരക്കിണര്‍, വാരം കനാല്‍, തക്കാളിപ്പീടിക, പുറത്തീല്‍ പ്രദേശങ്ങളിലെ റോഡുകളുടെ സ്ഥിതിയും മറിച്ചല്ല.