പയ്യന്നൂര്‍: പയ്യന്നൂരിലും പരിസരങ്ങളിലും ബി.ജെ.പി-ആര്‍.എസ്.എസ് പ്രവര്‍ത്തകരുടെ വീടുകളും വാഹനങ്ങളും അക്രമിച്ച സംഭവത്തില്‍ മൂന്ന് സി.പി.എം പ്രവര്‍ത്തകര്‍ കൂടി അറസ്റ്റിലായി. കോറോം സ്വദേശികളായ കൊക്കോട്ട് പ്രസന്നന്‍ (34), വെള്ളിവീട്ടില്‍ ശരത് (26), വാഴവളപ്പില്‍ ഷാജു (31) എന്നിവരാണ് അറസ്റ്റിലായത്. ഇന്നലെ വൈകുന്നേരത്തോടെ പയ്യന്നൂര്‍ എസ്.ഐ എ.വി ദിനേശിന്റെ നേതൃത്വത്തിലുള്ള സംഘമാണ് ഇവരെ അറസ്റ്റ് ചെയ്തത്. ഇതോടെ അക്രമ സംഭവങ്ങളുമായി ബന്ധപ്പെട്ട് 12 സി.പി.എം പ്രവര്‍ത്തകര്‍ അറസ്റ്റിലായി. കോറോത്ത് ആര്‍.എസ്.എസ്-ബി.ജെ.പി പ്രവര്‍ത്തകരുടെ വീട് തകര്‍ത്തതുള്‍പ്പടെ ആറോളം കേസുകളില്‍ ഇവര്‍ പ്രതികളാണ്. മൂന്നു പേരെയും കോടതി റിമാന്‍ഡ് ചെയ്തു.