കാക്കനാട് : ദുരിതാശ്വാസ ക്യാംപിലെ അന്തേവാസികള്‍ക്കായി സ്വന്തം അക്കൗണ്ടില്‍ പണപ്പിരിവ് നടത്തിയ കൗണ്‍സിലര്‍ക്കെതിരേ ഉയര്‍ന്ന ആരോപണം തെളിഞ്ഞാല്‍ പാര്‍ട്ടി കര്‍ശന നടപടി സ്വീകരിക്കുമെന്ന് സി.പി.എം ഏരിയ സെക്രട്ടറി വി.എ.സക്കീര്‍ ഹുസൈന്‍.
കൗണ്‍ലിസര്‍ക്കെതിരേ ഉയര്‍ന്ന ആരോപണത്തില്‍ പ്രതിഷേധിച്ച് നഗരസഭ ഓഫിസിലേക്ക് നടത്തിയ മാര്‍ച്ച് ഉദ്ഘാടനം നിര്‍വഹിക്കുകയായിരുന്നു ഏരിയ സെക്രട്ടറി. നഗരസഭ കൗണ്‍സിലറും സി.പി.എം ലോക്കല്‍ കമ്മിറ്റി അംഗവുമായ സി.എ. നിഷാദിനെതിരെയാണ് കരുണാലയം ദുരിതാശ്വാസ ക്യംപിന്റെ മറവില്‍ സ്വകാര്യ അക്കൗണ്ടിലേക്ക് പൊതുജനങ്ങളില്‍ നിന്ന് പണപ്പിരിവ് നടത്തിയെന്ന് പരാതി ഉയര്‍ന്നത്.
പ്രളയദുരിതവുമായി ബന്ധപ്പെട്ട് മുഖ്യമന്ത്രിയുടെ ദുരിതാശ്വാസ ഫണ്ടിന്റെ പേരില്‍ സ്വന്തം അക്കൗണ്ട് നമ്പര്‍ നല്‍കി ലക്ഷക്കണക്കിന് രൂപ കവര്‍ന്നെടുത്തതായാണ് സാമൂഹിക മാധ്യമങ്ങളില്‍ പ്രചാരണം നടത്തിയ യൂത്ത് ലീഗ് നേതാവിനെതിരേ കൗണ്‍സിലര്‍ പരാതി നല്‍കിയിരുന്നു. പാര്‍ട്ടിയെയും ജനപ്രതിനിധികളെയും അപകീര്‍ത്തിപ്പെടുത്തും വിധം ഗൂഡനീക്കം നടത്തുന്നവരേ രാഷ് ട്രീയമായി നേരിടുമെന്നും സക്കീര്‍ ഹുസൈന്‍ വ്യക്തമാക്കി.
ആരോപണ വിധേയനായ കൗണ്‍സില്‍ സ്ഥാനം രാജിവയ്ക്കണമെന്നാവശ്യപ്പെട്ട് നഗരസഭ ഓഫീസ് മാര്‍ച്ച് നടത്തിയിരുന്നു. യഥാര്‍ത്ഥത്തില്‍ നടക്കാത്ത കാര്യത്തെ വളച്ചൊടിച്ച് വ്യക്തിഹത്യ നടത്തിയതില്‍ പ്രതിഷേധിച്ചായിരുന്നു മുനിസിപ്പല്‍ ഓഫിസ് മാര്‍ച്ച്. സ്വകാര്യ അക്കൗണ്ടിലെത്തിയ പണം വിനിയോഗിച്ച് കരുണായത്തിലെ അന്തേവാസികള്‍ക്ക് പിവിസി ബൂട്ടുകള്‍ വാങ്ങിയ നല്‍കിയെന്നാണ് കൗണ്‍സിലറുടെ വിശദീകരണം. കെ.എന്‍ രാധാകൃഷ്ണന്‍ അധ്യക്ഷനായി. സി.എ.രജീഷ്, എന്‍.പി.ഷണ്‍മുഖന്‍, കെ.ആര്‍. ജയചന്ദ്രന്‍ എന്നിവര്‍ സംസാരിച്ചു.