തിരുവനന്തപുരം: മുഖ്യമന്ത്രി പിണറായി വിജയന്റെ പ്രതിവാര സംവാദ പരിപാടിയായ ''നാം മുന്നോട്ടി''ന്റെ നിര്‍മാണച്ചുമതല ഇനി കൈരളി ചാനലിന്. ഇതുവരെ സര്‍ക്കാര്‍ സ്ഥാപനമായ സി ഡിറ്റാണ് നിര്‍മാണം നടത്തിയിരുന്നത്. ഇത് ഒഴിവാക്കിയാണ് സി.പി.എം ചാനലായ കൈരളിക്കു നല്‍കിയത്.

നിര്‍മാണ ഏജന്‍സിക്കായി കഴിഞ്ഞ ഡിസംബറില്‍ പി.ആര്‍ വകുപ്പ് ടെന്‍ഡര്‍ ക്ഷണിച്ചിരുന്നു. ഇതില്‍ സി ഡിറ്റും പങ്കെടുത്തിരുന്നു. എന്നാല്‍ കൈരളി അതിലും ചെറിയ തുകയുടെ ടെണ്ടര്‍ നല്‍കി. ഇതോടെ കൈരളി ചാനലിനെ നിര്‍മാണ ചുമതല ഏല്‍പ്പിക്കാന്‍ തീരുമാനിക്കുകയായിരുന്നു.