കുവൈത്ത് സിറ്റി: കുവൈത്തില്‍ വന്‍ മയക്കുമരുന്ന് വേട്ട. അല്‍ ഷുവൈഖ് തുറമുഖത്ത് നങ്കൂരമിട്ട തുര്‍ക്കിയില്‍ നിന്നുള്ള ചരക്കുകപ്പലിലെ കെമിക്കല്‍ ടാങ്കിലാണ് മയക്കുമരുന്ന് ഗുളികകള്‍ ഒളിപ്പിച്ച നിലയില്‍ കണ്ടെത്തിയത്.

കെമിക്കല്‍ ടാങ്കില്‍ പല അറകളിലായി ഒളിപ്പിച്ചുവച്ചിരുന്ന 10 ദശലക്ഷത്തോളം ഗുളികകളാണ് കുവൈത്ത് ഡ്രഗ് കണ്‍ട്രോള്‍ വിഭാഗം കണ്ടെത്തിയത്. സംഭവവുമായി ബന്ധപ്പെട്ട് കപ്പല്‍ ക്യാപ്റ്റനായ സിറിയന്‍ സ്വദേശിയെ അറസ്റ്റ് ചെയ്തിട്ടുണ്ട്. സംഭവത്തില്‍ മറ്റ് പ്രതികള്‍ക്കു വേണ്ടിയുള്ള തിരച്ചില്‍ ഊര്‍ജിതപ്പെടുത്തിയതായും ആഭ്യന്തര മന്ത്രാലയ അധികൃതര്‍ അറിയിച്ചു.