മലപ്പുറം: ഇന്റര്‍നാഷനല്‍ ഇസ്‌ലാമിക് യൂനിവേഴ്‌സിറ്റീസ് ലീഗ് എക്‌സിക്യൂട്ടീവ് അംഗമായ കോ ഓഡിനേഷന്‍ ഓഫ് ഇസ്‌ലാമിക് കോളേജസി(സി.ഐ.സി)നു കീഴില്‍ നടക്കുന്ന ആണ്‍കുട്ടികളുടെ എട്ടുവര്‍ഷ വാഫി കോഴ്‌സിലേക്കുള്ള എന്‍ട്രന്‍സ് ഇന്ന് രാവിലെ 10 മണിക്ക് ആരംഭിക്കും. 945 സീറ്റുകളിലേക്കുള്ള പരീക്ഷ ഇന്ത്യയിലും വിദേശത്തുമായി 15 കേന്ദ്രങ്ങളിലായാണ് നടക്കുന്നത്. ഓണ്‍ലൈനില്‍ അപേക്ഷ സമര്‍പ്പിക്കാത്തവര്‍ക്ക് മൂന്നു കേന്ദ്രങ്ങളില്‍ സ്‌പോട്ട് രജിസ്‌ട്രേഷന്‍ സൗകര്യം ലഭ്യമാണ്.
പെണ്‍കുട്ടികള്‍ക്കുള്ള അഞ്ച് വര്‍ഷത്തെ വഫിയ്യ കോഴ്‌സിലേക്ക് പ്രവേശന പരീക്ഷ ഇന്നലെ നടന്നു. 1220 സീറ്റുകളിലേക്ക് ഇന്ത്യയിലും വിദേശത്തുമായി 12 കേന്ദ്രങ്ങളില്‍ 2641 പേര്‍ പരീക്ഷയെഴുതി. മതവിഷയങ്ങളില്‍ ബിരുദാനന്തര ബിരുദവും ഭൗതിക വിഷയങ്ങളില്‍ യൂനിവേഴ്‌സിറ്റി ബിരുദവും നല്‍കുന്ന പാഠ്യപദ്ധതികളാണ് വാഫിയും വഫിയ്യയും. വഫിയ്യ റിസള്‍ട്ട് മെയ് 27 നും വാഫി റിസള്‍ട്ട് മെയ് 28 നും പ്രഖ്യാപിക്കും.