അടിമാലി: പ്രളയം മനുഷ്യസൃഷ്ടിയാണെന്ന് വരുത്തിത്തീര്‍ക്കാനാണ് ചില കുബുദ്ധികള്‍ ശ്രമിക്കുന്നതെന്ന് മന്ത്രി എം എം മണി.അടിമാലി ജനമൈത്രി പോലിസ് കാന്റീനില്‍ സ്വരൂപിച്ച ദുരിതാശ്വാസ ഫണ്ട് ഏറ്റുവാങ്ങുകയായിരുന്നു മന്ത്രി. ഡാമുകള്‍ തുറന്ന് വിട്ടതുകൊണ്ടാണ് പ്രളയം ഉണ്ടായതെന്നാണ് ഇവര്‍ പ്രചരിപ്പിക്കുന്നത് .ഇത് തികച്ചും അടിസ്ഥാനരഹിതമാണ്. സര്‍ക്കാര്‍ ഇത് നേരിടാന്‍ എല്ലാ മുന്‍കരുതലും സ്വീകരിച്ചിരുന്നു.തീവ്രത മുന്‍കൂട്ടി കാണാനും നിര്‍ദേശം നല്‍കാനും കേന്ദ്ര കാലാവസ്ഥാ വകുപ്പിനുപോലും കഴിഞ്ഞിരുന്നില്ല.
1924 നേക്കാള്‍ പതിന്മടങ്ങ് ശക്തിയിലാണ് മഴയും പ്രകൃതി ദുരന്തങ്ങളും ഉണ്ടായതെന്നും മന്ത്രി ചൂണ്ടിക്കാട്ടി.