ന്യൂഡല്‍ഹി: രാജ്യസഭയിലേക്ക് അസമില്‍ നിന്ന് ഒഴിവു വരുന്ന രണ്ടു സീറ്റുകളിലേക്കുള്ള തെരഞ്ഞെടുപ്പ് ജൂണ്‍ ഏഴിന് നടക്കും.
മുന്‍ പ്രധാനമന്ത്രി മന്‍മോഹന്‍ സിങ്, കോണ്‍ഗ്രസ് നേതാവ് സാന്റിയൂസെ കുജൂര്‍ എന്നിവരുടെ കാലാവധി ജൂണ്‍ 14ന് കഴിയുന്നതിന്റെ അടിസ്ഥാനത്തിലാണ് തെരഞ്ഞെടുപ്പ് നടക്കുന്നത്. മെയ് 21 ന് ഇതു സംബന്ധിച്ച വിജ്ഞാപനം പുറപ്പെടുവിക്കും.
മെയ് 28 ആണ് നാമനിര്‍ദ്ദേശപത്രിക സമര്‍പ്പിക്കാനുള്ള അവസാന തിയതി. പിന്‍വലിക്കാനുള്ള അവസാന തിയതി മെയ് 31. ജൂണ്‍ ഏഴിന് വോട്ടെടുപ്പിന് പിന്നാലെ അഞ്ചു മണി മുതല്‍ വോട്ടെണ്ണല്‍ നടക്കും. ജൂണ്‍ 10 നകം തെരഞ്ഞെടുപ്പ് സംബന്ധിച്ച എല്ലാ നടപടികളും പൂര്‍ത്തിയാവും.