നരിക്കുനി: പഞ്ചായത്ത് സുന്നി മഹല്ല് ഫെഡറേഷന്റെ ആഭിമുഖ്യത്തില്‍ പഞ്ചായത്ത് പരിധിയിലുള്ള മഹല്ല് കമ്മിറ്റി അംഗങ്ങളെ ഉള്‍പ്പെടുത്തി മഹല്ല് നേതൃസംഗമം-2017 എട്ടിന് രാവിലെ ഒന്‍പത് മുതല്‍ ഉച്ചക്ക് രണ്ടു വരെ നരിക്കുനി ദാറുസ്സലാം മദ്‌റസയില്‍ വച്ച് നടക്കും. സമസ്ത കോഴിക്കോട് ജില്ലാ സെക്രട്ടരി  കെ.അബ്ദുല്‍ ബാരി ബാഖവി ഉദ്ഘാടനം ചെയ്യും. എസ്.എം.എഫ് ട്രെയിനര്‍മാരായ ശമീര്‍ അസ്ഹരി ചേളാരി മഹല്ല് സാമൂഹ്യ ബാധ്യതകള്‍ എന്ന വിഷയത്തിലും മനാഫ് അടിവാരം വ്യക്തിത്വ വികസനം, മാതൃകാ നേതൃത്വം എന്ന വിഷയത്തിലും ക്ലാസുകള്‍ അവതരിപ്പിക്കും. ഇതുമായി ബന്ധപ്പെട്ട യോഗത്തില്‍ എസ്.എം.എഫ് പഞ്ചായത്ത് പ്രസിഡന്റണ്ട് കെ.സി അബ്ദുല്‍ ഖാദര്‍ ഹാജി അധ്യക്ഷനായി. ടി. മുഹമ്മദ് മാസ്റ്റര്‍ സ്വാഗതം പറഞ്ഞു. ടി.സി അബ്ദുല്‍ ഖാദര്‍ , സി.പി അബൂബക്കര്‍ ബാഖവി, പി. മൂസക്കുട്ടി ഹാജി,കെ.കെ മരക്കാര്‍ ഹാജി, പി. സുലൈമാന്‍ ഹാജി, പി.സി മുഹമ്മദ്, പി.വി അബൂബക്കര്‍ മാസ്റ്റര്‍, പി.ടി.കെ മരക്കാര്‍ ഹാജി, കെ. ആലി, ബി.സി മുഹമ്മദ്, എന്‍.പി മൊയ്തീന്‍ കുഞ്ഞി, പി.എം അഹമ്മത് കുട്ടി, പി.കെ. ആലിക്കോയ ഹാജി, ഒ.പി. അബ്ദുല്‍ മജീദ് മാസ്റ്റര്‍ സംസാരിച്ചു.