മുക്കം: കാരശ്ശേരി മേഖലാ വനിതാ സഹകരണ സംഘത്തിന്റെ കീഴില്‍ മുക്കം നഗരസഭക്ക് സമീപത്തായി ആരംഭിച്ച സ്‌കൂള്‍ സൂപ്പര്‍മാര്‍ക്കറ്റ് മുക്കം പ്രതീക്ഷാ സ്‌പെഷല്‍ സ്‌കൂള്‍ വിദ്യാര്‍ഥികളായ സി. ജിതേഷ്, സി.കെ ജസീല, സി.കെ രഹ്‌നാബി, പി. ജസീല, ഹസീന സി.കെ എന്നിവര്‍ സംയുക്തമായി ഉദ്ഘാടനം ചെയ്തു. മേഖലാ വനിതാ സഹകരണ സംഘം പ്രസിഡന്റ് റീന പ്രകാശ് അധ്യക്ഷയായി. വൈസ് പ്രസിഡന്റ് റംല സാദിഖ്, ഡയറക്ടര്‍മാരായ എ.സി പ്രമീള, കെ.കെ ശ്യാമള, എം. ശകുന്തള, റോസമ്മ കുറ്റിയാങ്കല്‍, എം. അജിത, പി.കെ ശാലിനി, സി. ബേബി, ഫാത്തിമത്ത് നദീറ, ഷിനോദ് ഉദ്യാനം സംസാരിച്ചു.