കൊടുവള്ളി: കൊടുംവേനലിലെ ജനംപൊറുതിമുട്ടുമ്പോള്‍ ദേശീയപാതയോരത്തെ കൂറ്റന്‍ മരങ്ങള്‍ മുറിച്ചു മാറ്റുന്നതിനെതിരേ വന്‍  പ്രതിഷേധം.
ദേശീയ പാത 212 ല്‍ കൊടുവള്ളി ദാറുല്‍ അസ്ഹര്‍ അക്കാദമിക്ക് സമീപത്തെ മരം ഓവുചാല്‍ നിര്‍മാണത്തിന്റെ പേരില്‍ മുറിച്ചു മാറ്റിയതാണ്  പ്രതിഷേധത്തിനിടയാക്കിയത്.
 2 മാസം മുന്‍പ് ഓവുചാല്‍ നിര്‍മിക്കാന്‍ മണ്ണ് മാന്തുന്നതിനിടെ തണല്‍ മരത്തിന്റെ അടിവേര് മുറിച്ചുമാറ്റിയിരുന്നു. ഇത്  അപകട ഭീഷണി ഉയര്‍ത്തുന്നുവെന്ന് പരാതി ലഭിച്ചതിനാല്‍ വനംവകുപ്പിന്റെ അനുമതിയോടെ മരംമുറിക്കാന്‍ അനുവാദം നല്‍കിയെന്നാണ്് ഹൈവേ അധികൃതരുടെ വാദം. ദേശീയ പാതയില്‍ പടനിലം അങ്ങാടിക്ക് സമീപവും തണല്‍ മരങ്ങള്‍ കഴിഞ്ഞ ദിവസം മുറിച്ചിരുന്നു.