വേങ്ങര: പ്രളയബാധിത പ്രദേശങ്ങളില്‍ സേവനം ചെയ്ത വിഖായ വളണ്ടിയര്‍മാരെ എസ്.കെ.എസ്.എസ്.എഫ് വേങ്ങര മേഖലാ കമ്മറ്റി ആദരിച്ചു. മേഖലയിലെ 96 വളണ്ടിയര്‍മാര്‍ക്കുള്ള ഉപഹാര സമര്‍പ്പണം പി.കെ കുഞ്ഞാലിക്കുട്ടി എം.പി നിര്‍വഹിച്ചു.
50 അംഗ സ്ഥിരം വിഖായ വളണ്ടിയര്‍മാരുടെ സമര്‍പ്പണം പാണക്കാട് സയ്യിദ് ഹാശിറലി ശിഹാബ് തങ്ങള്‍ നിര്‍വഹിച്ചു. സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍ മുഖ്യപ്രഭാഷണം നടത്തി. ഹസീബ് ഓടക്കല്‍ അധ്യക്ഷനായി. ശാഫി മാസ്റ്റര്‍ ആട്ടീരി, ഊരകം ഗ്രാമപഞ്ചായത്ത് വൈസ് പ്രസിഡന്റ് കെ.ടി.എ സമദ്, ഹസ്ബുല്ല ബദ്‌രി, പി.പി ഹസ്സന്‍, ജലീല്‍ മാസ്റ്റര്‍ പട്ടര്‍ക്കടവ്, എം.എ ജലീല്‍ ചാലില്‍കുണ്ട്, ശിഹാബ് അടക്കാപ്പുര, മുജീബുറഹ്മാന്‍ ബാഖവി, അസൈനാര്‍ വാഫി സംസാരിച്ചു.