ചങ്ങരംകുളം: കാഞ്ഞിയൂരില്‍ പടാത്ത് അബ്ദുല്‍ ജബ്ബാറിന്റെ വീട്ടുമുറ്റത്ത് അതിഥിയാണ് കൃഷ്ണപരുന്ത്. മാസങ്ങള്‍ക്കു മുന്‍പു വീട്ടുമുറ്റത്തെത്തിയ ഈ പരുന്തിനു വീട്ടുകാര്‍ തീറ്റ നല്‍കിയിരുന്നു. പിന്നീടാണ് പരുന്ത് സ്ഥിരം സന്ദര്‍ശകനായതും വീട്ടുകാരുമായി ഇണക്കത്തിലായതും.
അബ്ദുല്‍ ജബ്ബാറിന്റെ വീട്ടിലെ കുട്ടികളുടെ കളിക്കൂട്ടുകാരനാണ് ഇപ്പോള്‍ ഈ പരുന്ത്. ദിവസേന രണ്ടു നേരം അരിഭക്ഷണവും മത്സ്യവും കഴിക്കാന്‍ പരുന്ത് വീട്ടിലെത്തും.