കാക്കനാട്: ചിറ്റേത്തുകരയില്‍  കാടുകയറിക്കിടന്നിരുന്ന കോരംകുളം യൂത്ത് ലീഗ് പ്രവര്‍ത്തകര്‍ ശുചീകരിച്ചു. യൂത്ത് ലീഗ്  സംസ്ഥാന കമ്മിറ്റിയുടെ ആഹ്വാന പ്രകാരം 'ല കോന്‍വിവെന്‍സിയ '  (പരസ്പര സഹവര്‍തിത്വം ) ക്യാംപയിന്റെ ഭാഗമായിട്ടാണ് യൂത്ത് ലീഗ് തൃക്കാക്കര മുനിസിപ്പല്‍ കമ്മിറ്റിയുടെ നേതൃത്വത്തില്‍ ജല സ്രോതസുകളുടെ സംരക്ഷണത്തിനു തുടക്കം കുറിച്ചു കൊണ്ട് കോരംകുളം ശുചീകരിച്ചത്.
'ല കോന്‍വിവെന്‍സിയ' ക്യാംപയിന്റെ മുനിസിപ്പല്‍തല ഉദ്ഘാടനം യൂത്ത് ലീഗ് ദേശീയ എക്‌സിക്യൂട്ടീവ് കമ്മിറ്റി അംഗം ഷിബു മീരാനും ശുചീകരണ പ്രവര്‍ത്തനങ്ങളുടെ ഉദ്ഘാടനം തൃക്കാക്കര നഗരസഭ ആരോഗ്യ സ്റ്റാന്റിങ് കമ്മിറ്റി ചെയര്‍പേഴ്‌സന്‍ ഷബ്‌ന മെഹ്‌റലിയും നിര്‍വഹിച്ചു.
യൂത്ത് ലീഗ് മുനിസിപ്പല്‍ പ്രസിഡന്റ് പി.എം മാഹിന്‍കുട്ടി, കെ.കെ അക്ബര്‍, മണ്ഡലം പ്രസിഡന്റ് യു.കെ റഫീഖ്, കെ.എന്‍ നിയാസ്, നഗരസഭയിലെ മുസ്‌ലിലീഗ് കൗണ്‍സിലര്‍മാരായ പി.എം യൂസഫ്, ടി.എം അലി, അസ്മ നൗഷാദ്, മുന്‍ കൗണ്‍സിലര്‍ റഹിയാനത്ത് സിദ്ദീഖ്, സിയാദ് ചിറ്റേത്തുകര, പി.എച്ച് ഇബ്രാഹിം, കെ.എം അബൂബക്കര്‍, മുഹമ്മദ് സാബു, പി.ബി മുഹമ്മദ്, സനൂപ് ചിറ്റേത്തുകര തുടങ്ങിയവര്‍ ശുചീകരണ പ്രവര്‍ത്തനങ്ങളില്‍ പങ്കാളികളായി.