മതിലകം: ദേശിയപാത 17 പുതിയകാവില്‍ ഇന്നോവാ കാറും കണ്ടെയ്‌നര്‍ ലോറിയും കൂട്ടിയിടിച്ച് കാര്‍ യാത്രികരായ നാലു പേര്‍ക്ക് പരുക്കേറ്റു.
കൊല്ലം ഓച്ചിറ സ്വദേശികളായ വലിയവീട്ടില്‍ സിയാദ്, വെളുത്താട്ട് വീട്ടില്‍ മുഹമ്മദ് നിസാം, പുളിക്കപ്പടി ഇര്‍ഫാന്‍, വലിയപുഴയ്ക്കല്‍ ഫസല്‍ എന്നിവര്‍ക്കാണ് പരുക്കേറ്റത്. ഇവരെ ആക്ട്‌സ് പ്രവര്‍ത്തകര്‍ എറണാകുളം മെഡിക്കല്‍ ട്രസ്റ്റ് ആശുപത്രിയില്‍ പ്രവേശിപ്പിച്ചു. ഇന്നലെ പുലര്‍ച്ചെ രണ്ടു മണിയോടെയായിരുന്നു അപകടം. കോഴിക്കോട് നിന്ന് ഓച്ചിറയിലേക്ക് പോകുകയായിരുന്ന ഇന്നോവാ കാറും എറണാകുളത്ത് നിന്ന് കോഴിക്കോട്ടേക്ക് പോകുന്ന കണ്ടെയ്‌നര്‍ ലോറിയുമാണ് കൂട്ടിയിടിച്ചത്.